Տիգրան Սարգսյանը Դմիտրի Մեդվեդեւին հիշեցրել է, որ ռուսական ներդրումները մեր տնտեսության մեջ կազմում են 60 տոկոս
hraparak
30 Մայիս 2012 | 15:13
0
Վարչապետ Տիգրան Սարգսյանը Թուրքմենստանի մայրաքաղաք Աշգաբադում, ԱՊՀ կառավարությունների ղեկավարների խորհրդի նիստի ժամանակ հանդիպել է Ռուսաստանի Դաշնության վարչապետ Դմիտրի Մեդվեդեւին, տեղեկացնում է ՀՀ կառավարությունը: Զրուցակիցները քննարկել են հայ-ռուսական ռազմավարական համագործակցությանն առնչվող հարցերի լայն շրջանակ: Ռուսաստանի Դաշնության վարչապետ Դմիտրի Մեդվեդեւն ասել է, «կարող ենք քննարկել յուրաքանչյուր հարց, որոնք վերաբերում են Ռուսաստանի և Հայաստանի միջև հումանիտար և տնտեսական կապերի զարգացմանը: Ուրախ եմ մեր նոր հանդիպման և այդ հարցերի քննարկման հնարավորության համար»:
Տիգրան Սարգսյանն էլ հիշեցրել է, որ «Ռուսաստանը մեր ռազմավարական գործընկերն է, այդ թվում առաջինը տնտեսական բաղադրիչի առումով: Ռուսական ներդրումները մեր տնտեսության մեջ կազմում են 60 տոկոս, այսինքն՝ Ռուսաստանը բավական առաջ է անցնում բոլոր այն երկրներից, որոնք ներդրումներ են կատարում Հայաստանում: Եվ մենք, իհարկե, շահագրգռված ենք այդ հարաբերությունների ամրապնդման գործում: Հուսով եմ, որ մեր այսօրվա օրակարգը կծառայի այդ գործին»:
Կարծիքներ