ՀԱԿ ակտիվիստների դատը` վաղը

Հունիսի 28-ին ժամը 15.00-ին Կենտրոն եւ Նորք Մարաշ վարչական շրջանների ընդհանուր  իրավասության դատարանում տեղի է ունենալու Հայ ազգային կոնգրեսի ակտիվիստներ Սարգիս Գեւորգյանի, Դավիթ Քիրամիջյանի, Տիգրան Առաքելյանի եւ Արտակ Կարապետյանի գործով դատական նիստը, հիշեցնում է



«Պահանջում ենքարդարություն» խմբի նախաձեռնող խումբը:



Նիստի ժամանակ մեղադրական ճառով հանդես է գալու մեղադրող դատախազ Հակոբ Մարտիրոսյանը, ինչից հետո երիտասարդները ներկայացնելու են իրենց պաշտպանական ճառերը:

Երիտասարդ ակտիվիստների դատավարության ընթացքում Ֆեյսբուք սոցիալական ցանցում «Պահանջում ենք արդարություն» անվամբ խումբ է բացվել, որի` ավելի քան 200 անդամները չորս պահանջ են ներկայացնում.



1. Արդարացնել Հայ ազգային կոնգրեսի 4 ակտիվիստներին՝ Արտակ Կարապետյանին, Դավիթ Քիրամիջյանին,  ՏիգրանԱռաքելյանին, Սարգիս Գեւորգյանին

2. Ազատել Տիգրան Առաքելյանին

4. Կարճել ՀԱԿ մյուս երիտասարդների` Վահագն Գևորգյանի, Սահակ Մուրադյանի եւ Արեգ Գևորգյանի նկատմամբ հարուցված քրեական գործը

3. Պատժել երիտասարդների եւ նրանց փաստաբանների նկատմամբ բռնություն գործադրած ոստիկաններին