Ճանապարհատրանսպորտային պատահարներից տուժել է 15 քաղաքացի
hraparak
3 Հուլիս 2012 | 10:01
0
Ոստիկանության տարածած հաղորդագրության համաձայն, երեկվա ճանապարհատրանսպորտային պատահարների հետեւանքով հիվանդանոց է տեղափոխվել 15 քաղաքացի.Հուլիսի 2-ին, ժամը 20:15-ին, Երեւան-Աշտարակ ճանապարհի 5-րդ կմ-ին՝ Պռոշյան գյուղի հատվածում, իրար են բախվել «Տոյոտա» եւ «ՎԱԶ-21011» մակնիշի ավտոմեքենաներ: «ՎԱԶ-21011»-ի վարորդը մարմնական վնասվածքներով տեղափոխվել է հիվանդանոց:
Հուլիսի 2-ին, ժամը 12.30-ի սահմաններում, «Վոլքսվագեն» մակնիշի ավտոմեքենայի վարորդը Արարատ քաղաքի Շահումյան փողոցի թիվ 6 շենքի մոտ վրաերթի է ենթարկել 45-ամյա մի կնոջ, որը մարմնական վնասվածքներով տեղափոխվել է հիվանդանոց:
Հուլիսի 2-ին, ժամը 03.00-ին, Մեղրի-Երւեան ճանապարհի 331-րդ կմ-ին «ՎԱԶ-2102» մակնիշի ավտոմեքենան բախվել է ճամփեզրի բետոնե սյանը, ինչի հետեւանքով վարորդը եւ 3 ուղեւորները մարմնական վնասվածքներով տեղափոխվել են հիվանդանոց:
Հուլիսի 3-ին, ժամը 00:40-ին, Աթենքի փողոցում «Մերսեդես» մակնիշի ավտոմեքենա է բախվել պատին: Վարորդը մարմնական վնասվածքներով տեղափոխվել է հիվանդանոց:
Հուլիսի 2-ին, ժամը 18:30-ին, Իսակովի պողոտայում «Մերսեդես-180» մակնիշի ավտոմեքենան բախվել է «ԲՄՎ-523»-ի: «ԲՄՎ-523»-ի ուղեւորը մարմնական վնասվածքներով տեղափոխվել է հիվանդանոց:
Հուլիսի 2-ին, ժամը 10:30-ին, «Դեյու Նեքսիա» մակնիշի ավտոմեքենայի վարորդը Աթենքի փողոցում վրաերթի է ենթարկել 33-ամյա մի տղամարդու, որը մարմնական վնասվածքներով տեղափոխվել է հիվանդանոց:
Հուլիսի 2-ին, ժամը 08:40-ին, «Մերսեդես Ե-230» մակնիշի ավտոմեքենայի վարորդը Մարգարյան փողոցի թիվ 29 շենքի մոտ վրաերթի է ենթարկել 77-ամյա մի կնոջ, որը մարմնական վնասվածքներով տեղափոխվել է հիվանդանոց:
Հուլիսի 2-ին, ժամը 04.30-ին, «Մազդա» մակնիշի ավտոմեքենան բախվել է 16-րդ թաղամասի թիվ 27 շենքի մոտ գտնվող ավտոտնակին, ինչի հետեւանքով վարորդը եւ 4 ուղևորները մարմնական վնասվածքներով տեղափոխվել են հիվանդանոց:
Կատարվում են քննություններ:
Կարծիքներ