«Հրապարակի» ընթերցողների կարծիքով, «Հարսնաքարի» մեղավորներից մի քանի հոգու ձեւական ու պայմանական կդատեն ու վերջ

«Հարսնաքար» ռեստորանում դաժան ծեծի ենթարկված զինվորական բժիշկ Վահե Ավետյանի երկրային կյանքը դեռ չէր ընդհատվել՝ անցած շաբաթ, «Հրապարակն» իր ընթերցողներին առաջարկել էր www.hraparak.am  կայքում պատասխանել հետեւյալ հարցին. «Ի՞նչ զարգացումներ կլինեն Ռուբեն Հայրապետյանի «Հարսնաքար» ռեստորանի այցելուների ծեծի շուրջ»: Պատասխանների պատկերը մտահոգիչ է ու չփոխվեց անգամ Վահե  Ավետյանի մահվանից հետո:



Հարցմանը մասնակցել է 1320 մարդ: Գերակշիռ մեծամասնությունը՝ 1130 մարդ՝ 56 տոկոսը կարծում է, որ մի քանի հոգու ձեւական ու պայմանական կդատեն ու վերջ: 6 տոկոսի կամ 80 ընթերցողի կարծիքով, ոստիկանությունը կբացահայտի բոլոր մեղավորներին եւ նրանք խիստ կպատժվեն: 5 տոկոսը (61 ձայն) կարծում է, որ Ռուբեն Հայրապետյանն ինքը կպատժի ծեծողներին: Երեք տոկոսն (49 ձայն) էլ ենթադրում է, որ «Հարսնաքարը» վատ համբավ ձեռք կբերի ու կփակվի: