Երկրաշարժի դեպքում շենքերն են միմյանց քանդելու
Երկու տարուց ավելի է՝ բնակիչները բողոքում են, որ Եզնիկ Կողբացի 42, Պուշկինի 40, Տերյան 19, 23, 25 շենքերի խաղահրապարակներին փոխարինելու է եկել 12 վերգետնյա եւ 2 ստորգետնյա հարկ ունեցող հասարակական եւ բնակելի համալիրը: Շինարարական աշխատանքները դադարեցնելու նպատակով բնակիչները բազմաթիվ դիմում-բողոքներով դիմել են բոլոր բարձրաստիճան պաշտոնյաներին, բայց՝ ապարդյուն:
«Կառավարության շենքի մոտ կամ մեկ այլ տեղ բողոքի ակցիա անելուց հետո շինարարական աշխատանքները ոչ թե դադարեցվել են, այլ նոր թափ են ստացել»,- ասաց Եզնիկ Կողբացի 42 շենքի բնակչուհի Արփինե Ղազարյանը` նշելով, որ արդեն շենքն ամբողջովին կառուցել են: Ըստ բնակիչների` կառուցապատողը «Լոկալ Դիվելոփըրզ» ՍՊԸ-ն է, որն առանց բնակիչների համաձայնության, սակայն ունենալով քաղաքապետի թույլտվությունը, ճարտարապետահատակագծային առաջադրանք, շենքի բակում պետք է կառուցի բարձրահարկ շենքն ու վերջ: «Շենքը կառուցվեց բազմաթիվ ապօրինություններով, մինչ օրս էլ շարունակվում է` արդեն 14 հարկ են կառուցել, չհաշված ստորգետնյա երկու հարկը»: Ներկայումս Տերյան 23, 25, Լալայանց 37 շենքերը ենթակա են քանդման, այդ իսկ պատճառով կառուցվում է բարձրահարկը, որպեսզի բնակիչները տեղափոխվեն այդ շենք: Ղազարյանը նշում է, որ բնակիչների մոտ մի հարց է անպատասխան մնացել. ինչո՞ւ են խաղահրապարակ վերացնելով կառուցում, եթե կարող էին բնակիչներին տրամադրել Հյուսիսային պողոտայի դատարկ բնակարանները. «Բարձրահարկ շենքի պատճառով զրկվել ենք ոչ միայն բակից, այլեւ արեւի կարոտ ենք դարձել»: Երեւանի կենտրոնում կառուցապատումների մասին բազմիցս է խոսվել: Երեւանի քաղաքապետերի կողմից հավաստիացումներ են հնչել, որ կանաչ տարածքների եւ երեխաների համար նախատեսված հրապարակների հաշվին այլեւս շենք չի կառուցվի, սակայն մշտապես ականատես ենք հակառակ պատկերի:
Եզնիկ Կողբացի 42 շենքի մեկ այլ բնակչուհի՝ Անահիտ Շահսուվարյանը նշում է, որ իրենք պայքարում են «Դոն Կիխոտի» հողմաղացների դեմ. «Մեր պայքարն ապարդյուն էր, բողոքած-չբողոքած՝ կառուցեցին, իրենց նպատակին հասան»: Տեսնելով, որ բողոքի ձայնը տեղ չի հասնում, բնակիչները դիմել էին դատարան, ինչպես իրենք են ասում՝ դատական գործընթացն այնպես են անում, որ շենքը կառուցողի օգտին լինի: «Բնակիչներով հույս էինք տածում, որ դատարանի միջոցով որեւէ արդյունքի կհասնենք, բայց, ընդհակառակը` մենք նպաստեցինք, որ շենքն ամբողջապես կառուցվեր»,-ասում է Շահսուվարյանը եւ հավելում, որ իրենք հիասթափվել են ներկայիս կառավարությունից եւ եթե հնարավորություն ունենային, կգնային անօրեն երկրից:
Ըստ նրա` իրենք կարծես թշնամի երկրում են ապրում, որտեղ մարդու իրավունքները ոտնահարվում են, ձայնը տեղ չի հասնում. «Երեւանում մենք` հասարակ մարդիկս, ապրելու իրավունք չունենք»:
86-ամյա նկարիչ Վան Խաչատուրի կարծիքով էլ` ամենավատն այն է, որ երկրաշարժի դեպքում շենքերն են իրար քանդելու: «Ժամանակին բակը հարուստ է եղել կանաչ տարածությամբ, ծառերով, սակայն շինարարության պատճառով ծառեր են հատվել: Եթե բակում մնացել են մի քանի ծառեր, մեր պայքարի շնորհիվ է»,-նշեց նա: Ըստ նրա` փաստն այն է, որ բարձրահարկ շենքը կառուցված է, իսկ 500-ից ավելի բնակիչ ունեցող շենքերն այսօր խաղահրապարակ չունեն, բնակիչների կյանքն էլ պատահարների դեպքում վտանգված է:
Աննա ՄԱԹԵՎՈՍՅԱՆ
«Կառավարության շենքի մոտ կամ մեկ այլ տեղ բողոքի ակցիա անելուց հետո շինարարական աշխատանքները ոչ թե դադարեցվել են, այլ նոր թափ են ստացել»,- ասաց Եզնիկ Կողբացի 42 շենքի բնակչուհի Արփինե Ղազարյանը` նշելով, որ արդեն շենքն ամբողջովին կառուցել են: Ըստ բնակիչների` կառուցապատողը «Լոկալ Դիվելոփըրզ» ՍՊԸ-ն է, որն առանց բնակիչների համաձայնության, սակայն ունենալով քաղաքապետի թույլտվությունը, ճարտարապետահատակագծային առաջադրանք, շենքի բակում պետք է կառուցի բարձրահարկ շենքն ու վերջ: «Շենքը կառուցվեց բազմաթիվ ապօրինություններով, մինչ օրս էլ շարունակվում է` արդեն 14 հարկ են կառուցել, չհաշված ստորգետնյա երկու հարկը»: Ներկայումս Տերյան 23, 25, Լալայանց 37 շենքերը ենթակա են քանդման, այդ իսկ պատճառով կառուցվում է բարձրահարկը, որպեսզի բնակիչները տեղափոխվեն այդ շենք: Ղազարյանը նշում է, որ բնակիչների մոտ մի հարց է անպատասխան մնացել. ինչո՞ւ են խաղահրապարակ վերացնելով կառուցում, եթե կարող էին բնակիչներին տրամադրել Հյուսիսային պողոտայի դատարկ բնակարանները. «Բարձրահարկ շենքի պատճառով զրկվել ենք ոչ միայն բակից, այլեւ արեւի կարոտ ենք դարձել»: Երեւանի կենտրոնում կառուցապատումների մասին բազմիցս է խոսվել: Երեւանի քաղաքապետերի կողմից հավաստիացումներ են հնչել, որ կանաչ տարածքների եւ երեխաների համար նախատեսված հրապարակների հաշվին այլեւս շենք չի կառուցվի, սակայն մշտապես ականատես ենք հակառակ պատկերի:
Եզնիկ Կողբացի 42 շենքի մեկ այլ բնակչուհի՝ Անահիտ Շահսուվարյանը նշում է, որ իրենք պայքարում են «Դոն Կիխոտի» հողմաղացների դեմ. «Մեր պայքարն ապարդյուն էր, բողոքած-չբողոքած՝ կառուցեցին, իրենց նպատակին հասան»: Տեսնելով, որ բողոքի ձայնը տեղ չի հասնում, բնակիչները դիմել էին դատարան, ինչպես իրենք են ասում՝ դատական գործընթացն այնպես են անում, որ շենքը կառուցողի օգտին լինի: «Բնակիչներով հույս էինք տածում, որ դատարանի միջոցով որեւէ արդյունքի կհասնենք, բայց, ընդհակառակը` մենք նպաստեցինք, որ շենքն ամբողջապես կառուցվեր»,-ասում է Շահսուվարյանը եւ հավելում, որ իրենք հիասթափվել են ներկայիս կառավարությունից եւ եթե հնարավորություն ունենային, կգնային անօրեն երկրից:
Ըստ նրա` իրենք կարծես թշնամի երկրում են ապրում, որտեղ մարդու իրավունքները ոտնահարվում են, ձայնը տեղ չի հասնում. «Երեւանում մենք` հասարակ մարդիկս, ապրելու իրավունք չունենք»:
86-ամյա նկարիչ Վան Խաչատուրի կարծիքով էլ` ամենավատն այն է, որ երկրաշարժի դեպքում շենքերն են իրար քանդելու: «Ժամանակին բակը հարուստ է եղել կանաչ տարածությամբ, ծառերով, սակայն շինարարության պատճառով ծառեր են հատվել: Եթե բակում մնացել են մի քանի ծառեր, մեր պայքարի շնորհիվ է»,-նշեց նա: Ըստ նրա` փաստն այն է, որ բարձրահարկ շենքը կառուցված է, իսկ 500-ից ավելի բնակիչ ունեցող շենքերն այսօր խաղահրապարակ չունեն, բնակիչների կյանքն էլ պատահարների դեպքում վտանգված է:
Աննա ՄԱԹԵՎՈՍՅԱՆ
Կարծիքներ