Հարցնում են՝ պատասխանում ենք
hraparak
24 Նոյեմբեր 2012 | 05:48
0
- Արժե՞ արդյոք «Ժառանգություն» բառը ամեն օր հոլովել հատկապես «Ազատ դեմոկրատների» հետ գզվռտոցի համատեքստում, երբ «Ժառանգության» առաջնորդ Րաֆֆի Հովհաննիսյանը կարծես մտադիր է առաջիկայում հասարակությանը ներկայանալ որպես քաղաքական ուժերին համախմբող նախագահի թեկնածու:- Ճիշտն ասած՝ չարժե:
***
- ՀՀԿ-ն խախտե՞լ է արդյոք ՀՀ սահմանադրության 70-րդ կետը՝ թռնելով ընդդիմության պահանջով հրավիրված արտահերթ նիստից:
- Սահմանադրության կետը՝ չգիտենք, բայց որ Գալուստ Սահակյանն ՕԵԿ-ի «աղջկերքին» հետը տանելով՝ խախտել է էթիկայի բոլոր կանոնները եւ Աստծո տասը պատվիրաններից մի քանիսը, դա փաստ է:
***
- «Կռված տղա չէ, բայց ատրճանակ ունի՝ դա հանրային դիցաբանական ինչ-որ մի բան է»: Գագիկ Ծառուկյանի մասին Ադիբեկյանի այս մտքին համաձա՞յն եք:
- Այո, բայց անհանգստանալու պատճառ չունենք: Ավելին, Գագիկ Ծառուկյանն առավել հետաքրքիր կդարձնի ընտրապայքարը: Պատկերացնո՞ւմ եք՝ մի կողմում էպոսի դիցաբանական հերոսն է, իսկ մյուս կողմում՝ էպոսագետը:
Պատրաստեց Էդիկ ԱՆԴՐԵԱՍՅԱՆԸ
Կարծիքներ