Թմրամիջոց իրացնողը հայտնաբերվեց

Ոստիկանության  Արտաշատ բաժնի ծառայողները, թմրամիջոց ձեռք բերելու եւ պահելու կասկածանքով Այգեստան գյուղից նոյեմբերի 23-ին բերման են ենթարկել 1946 թ. ծնված Գուրգեն Ե.-ին:



Խուզարկությամբ նրա գրպանից հայտնաբերվել է պոլիէթիլենային թաղանթի 1 փաթեթ` դեղնականաչավուն կանեփանման յուրահատուկ հոտով զանգվածով: Գուրգեն Ե.-ն հայտարարել է, որ թմրամիջոցն իրենն է եւ այն 7.000 դրամով ձեռք է բերել «Բթո» մականունով ոմն Վարդանից, հայտնում են Ոստիկանությունից:



Ոստիկանների ձեռնարկած հետագա միջոցառումներով պարզվել է, որ «Բթո» մականունով ոմն Վարդանը Այգեստան գյուղի բնակիչ, 1972 թ. ծնված Վարդան Վ.-ն է, որը նույն օրը, ժամը 22.35-ին, բերման է ենթարկվել բաժին: Նրա տաբատի գրպանից հայտնաբերվել է 2 փաթեթ՝ կանեփի յուրահատուկ հոտով դեղնականաչավուն չորացված զանգվածով:



Հայտնաբերվածն ուղարկվել է փորձաքննության: Կատարվում է քննություն: