Այսօր կանանց նկատմամբ բռնության դեմ պայքարի միջազգային օրն է
hraparak
25 Նոյեմբեր 2012 | 14:23
0
Այսօր կանանց դեմ բռնության պայքարի միջազգային օրն է: 1999թ. Միավորված Ազգերի Կազմակերպության գլխավոր ասամբլեան ընդունեց այս օրը որպես տոն, և բոլոր միջազգային կազմակերպություններին կոչ արեց նախաձեռնել տարբեր տեսակի միջոցառումներ, որոնք կարող են հասարակության ուշադրությունը սևեռել այս կարևոր խնդրի և դրա դեմ պայքարի միջոցների վրա:Կանանց նկատմամբ կիրառվող բռնության բոլոր տեսակները ճնշում են իգական սեռի ներկայացուցիչների բազմակողմանի զարգացումը, ոտնահարում նրանց իրավունքները, սահմանափակում ազատություններն ու նսեմացնում նրանց մարդկային որակները: Բացի այդ բռնությունները ազդում են նաև հասարակության զարգացմանը:
Տոնը կապված է պատմական իրադարձությունների հետ, որոնք տեղի են ունեցել 1961թ. Դոմինիկյան Հանրապետությունում, որտեղ հանրապետության առաջնորդ Ռաֆայել Տրուխիլոն դաժան հաշվեհարդար էր տեսել իր ռեժիմի դեմ ակտիվորեն պայքարող Միրաբալ երեք քույրերի հետ:
Կարծիքներ