Խոսրով Հարությունյան. Ռոբերտ Քոչարյանը չի առաջադրվի
hraparak
26 Նոյեմբեր 2012 | 11:36
0
Այսօր լրագրողների հետ հանդիպման ժամանակ ՀՀ ԱԺ պատգամավոր Խոսրով Հարությունյանը ասել է, որ «Բարգավաճ Հայաստանին» եւ կուսակցության առաջնորդ Գագիկ Ծառուկյանին, առավել ձեռնտու է չմասնակցել 2013-ին ՀՀ նախագահի ընտրությանը եւ մտածել 2018-ի ընտրության մասին:Խոսրով Հարությունյանն ասել է նաեւ, որ Ռոբերտ Քոչարյանը Հայաստանի նախագահական ընտրություններում չի առաջադրվի, եթե բարձր արդյունքի վստահություն չունենա: «Ոչ մի խոշոր քաղաքական գործիչ` ոչ Ռոբերտ Քոչարյանը, ոչ Լեւոն Տեր-Պետրոսյանը, չեն առաջադրվի, եթե իրենց հեղինակության համար վտանգ զգան:Նրանք կառաջադրվեն միայն այն ժամանակ, երբ վստահ լինեն, որ քաղաքական հաջողությունը կուղեկցի իրենց: Նույնը, կարծում եմ, վերաբերում է Գագիկ Ծառուկյանին», – նշել է նա:
Խոսրով Հարությունյանը վստահ է, որ «Սերժ Սարգսյանը համոզիչ կհաղթի նաեւ միայնակ»:
Կարծիքներ