Խախտումների ամփոփագրեր` ըստ Րաֆֆի Հովհաննիսյանի շտաբի
Փետրվարի 13-ին ՀՀ նախագահի թեկնածու Րաֆֆի Հովհաննիսյանի նախընտրական շտաբի խոսնակ Հովսեփ Խուրշուդյանը եւ իրավախորհրդատու Կարեն Մեժլումյանը մամլո ասուլիսում ներկայացրեցին նախընտրական քարոզչության ընթացքում խախտումների վերաբերյալ փետրվարի 7-12 արձանագրված փաստերը: Կից ներկայացնում ենք Րաֆֆի Հովհաննիսյանի նախընտրական շտաբի կողմից 2013թ. փետրվարի 7-12 արձանագրված խախտումների ամփոփագիրը:
31 | Երեւան, Արաբկիր Երզնկյան փ. 77 | Կարեն Էդուարդի Սաֆարյան. այս քաղաքացին մահացել է 2 տարի առաջ, սակայն իր անունով ծանուցագիր է եկել նշված հասցեում եւ նրա անունը ընտրողների ռեգիստրում գրանցված է: Հայտնող քաղաքացին չցանկացավ ներկայանալ: | 5.02.2013 | 17.12 |
32 | Երեւան, Դավթաշեն | Թիվ 192 դպրոցի տնօրենը՝ Ալլա Ալբերտովնան, (որը նաև թիվ--- ընտրատեղամասի նախագահն է) ակնհայտ քարոզչություն է իրականացնում դպրոցում: Հայտնեցին «Ժառանգություն» կուսակցության վարչության անդամ Սուսաննա Մուրադյանն ու երիտթեւի ներկայացուցիչ Դանիել Իոաննիսյանը: Առկա են ձայնագրություն եւ տեսագրություն:http://www.youtube.com/watch?v=pm_1JTHGK7w | 7.02.2013 | 12.45 |
33 | Գեղարքունիքի մարզ, Վերին Գետաշեն | Վերին Գետաշեն գյուղի բնակիչը հայտնեց, որ իրենց գյուղապետը հավաքում է քաղաքացիների անձնագրերը եւ բաժանում 10.000-ական դրամ՝ Ս.Սարգսյանին ընտրելու համար: | 7.02.2013 | 14.00 |
34 | Երեւան, Արաբկիր համայնք | Արաբկիրի Շիրվանզադեի 2 հասցեում գտնվող 0014 համարի փոստում թոշակ ստացող անձանցից հավաքել են անձնագրային տվյալները՝ նշելով, որ ընտրությունների համար է: Հայտնեց Անահիտ Հովհաննիսյանը: | 7.02.2013 | 15.00 |
35 | Երեւան, Մալաթիա-Սեբաստիա | Բնակիչներից ահազանգ կա, որ Սամվել Ալեքսանյանի անունից փող է բաժանվել Մալաթիա-Սեբաստիա թաղամասի թիվ 121 եւ 105 դպրոցներում, իբր որպես խրախուսանք լավ ուսուցիչներին եւ լավ աշակերտներին: Վերջիններս, սակայն, ուղղորդվում են այդ դպրոցների տնօրենների կողմից՝ ընտրելու Սերժ Սարգսյանին: Հայտնեց Հովսեփ Խուրշուդյանը: | 8.02.2013 | 11.00 |
36 | Սյունիքի մարզ, Տեղ գյուղ | Տեղ գյուղի գյուղապետարանը հանդիսանում է Սերժ Սարգսյանի ընտրական շտաբը: Հայտնեց Գեւորգ Սահակյանը: Կան լուսանկարներ: | 8.02.2013 | 11.00 |
37 | Երեւան, Շենգավիթ | Քաղաքացի Իզաբելան հայտնեց, որ «Շենգավիթ» բժշկական կենտրոնում եւ մի շարք այլ հիվանդանոցներում հավաքագրում են բժիշկների անձնագրային տվյալները: | 8.02.2013 | 15.00 |
38 | Երեւան, Մալաթիա-Սեբաստիա, Վահան Թեքեյանի անվան դպրոց | Վահան Թեքեյանի անվան դպրոց են այցելել Մալաթիա-Սեբաստիայի թաղապետն ու ԱԺ պատգամավոր Սամվել Ալեքսանյանը եւ ուսուցիչներին բաժանել 40.000-ական դրամ: | 8.02.2013 | 15.40 |
39 | Երեւան, | Շահումյան 6-րդ փողոցի 14 տան սեփականատեր Վելիկ Կարապետյանը նշեց, որ իր տան հասցեում գրանցված է անհայտ քաղաքացի՝ Սերժիկ Սերոբի Ներսիսյան անունով: | 8.02.2013 | 17.30 |
40 | Սյունիքի մարզ, | Կապան քաղաքի բնակիչ Քաջիկը նշեց, որ Քաջարանի պղնձամոլիբդենային կոմբինատում աշխատողների աշխատավարձերը 50.000 դրամով բարձրացրել են՝ հորդորելով ընտրել Սերժ Սարգսյանին: | 8.02.2013. | 17.35 |
41 | Երեւան | Ամբողջ քարոզարշավի ընթացքում անհայտ անձանց կողմից անընդհատ պոկվում են Րաֆֆի Հովհաննիսյանի պաստառները դրա համար հատուկ հատկացված տեղերից: Ու թեեւ Րաֆֆի Հովհաննիսյանի նախընտրական շտաբը տեղեկանալուն պես նորից մարդիկ է ուղարկում եւ վերստին փակցնում նոր պաստառներ, այդ օրինախախտումը շարունակ կրկնվում է: Հատկապես հաճախակի են նման դեպքերը Շենգավիթ եւ Արաբկիր համայնքներում: Ոստիկանությունը մինչ օրս որեւէ վնասարարի չի հայտնաբերել:Ահազանգող` Գեւորգ Կալենչյան: | 9.02.2013 | 12.30 |
42 | Երեւան, Տիգրան Մեծի փողոց, | Տիգրան Մեծ փողոցում գտնվող թիվ 17 պոլիկլինիկայում գլխավոր բժիշկ Սաթենիկ Վարդանյանը եւ բաժնի վարիչ Ժաննա Պապոյանը հավաքագրել են տեղի բժիշկների անձնագրային տվյալները: Նաեւ նշել են, որ եթե իրենց հարցում կատարվի, թե ում են ընտրելու նախագահական ընտրություններին, պատասխանեն, որ իրենք արդեն ունեն նախընտրելի թեկնածու՝ Սերժ Սարգսյանը: Տեղեկություն հայտնող քաղաքացին չցանկացավ ներկայանալ: | 9.02.2013 | 15.00 |
43 | Երեւան, Աջափնյակ | Քաղաքական մեկնաբան Կարեն Վարդանյանը նշեց, որ Աջափնյակում ՀՀԿ-ականներն այցելում են տներ եւ ընտրակաշառքներ առաջարկում։ Օրերս այցելել են նաեւ իր մոր տուն եւ առաջարկել 20 հազար դրամ` անձնագրային տվյալներ տրամադրելու համար։ Բնականաբար, իր մայրը մերժել է եւ հրաժարվել նրանց կեղտոտ փողերից։ Սա արձանագրված բազմաթիվ փաստերից մեկն է: | 11.02.2013 | 11.30 |
44 | Կոտայքի մարզ, Եղվարդ | Քաղաքացի Մելիք Փավրունին հայտնեց, որ Եղվարդի գյուղերից մեկում Րաֆֆի Հովհաննիսյանի հանդեպ հակաքարոզչություն է իրականացվում՝ տարածելով, թե իբր Րաֆֆի Հովհաննիսյանի շտաբը գումար է բաժանում, ասել է իր քրոջ ամուսինը: | 11.02.2013 | 12.00 |
45 | Երեւան, Մալաթիա-Սեբաստիա | Մալաթիա-Սեբաստիա համայնքի բնակիչներից մեկը, ով չի ցանկացել ներկայանալ, հայտնեց, որ թիվ 121 եւ 105 դպրոցների ուսուցիչները շրջում են տներով՝ գրանցելով այն անձանց, ովքեր չեն մասնակցելու ընտրություններին: Տեղեկացրեց Հովսեփ Խուրշուդյանը: | 11.02.2013 | 12.00 |
46 | Երեւան, Շենգավիթ | Շենգավիթի թիվ 74 դպրոցի տնօրենը ծնողական ժողով է հրավիրել, որի ընթացքում ակնհայտ քարոզչություն է իրականացրել Սերժ Սարգսյանի օգտին: Այդ մասին հայտնեց Կենտրոն համայնքի պատասխանատու Սուսաննա Մուրադյանը: | 11.02.2013 | 12.30 |
47 | Երեւան, Լուկաշենի 1-ին փողոց | Լուկաշին փողոցում խոչընդոտել են «Ժառանգության» կամավորների կողմից քարոզչական նյութեր տարածելու գործընթացը: Հայտնեց Դավիթաշեն համայնքի պատասխանատու Գայանե Աբասյանը: Առկա են տեսանկարահանում եւ ձայնագրություն:http://www.youtube.com/watch?v=FfVi7ykBJ_U | 10.02.2013 | 14.00 |
48 | Երեւան | Երեւանի ճարտարապետության եւ շինարարության պետական համալսարանի (ԵՃՇՊՀ) ռեկտոր Հովհաննես Թոքմաջյանը հավաքագրել է դասախոսների անձնագրային տվյալները՝ հորդորելով ընտրել Սերժ Սարգսյանին: Հայտնող քաղաքացին չցանկացավ ներկայանալ: | 11.02.2013 | 14.00 |
49 | Երեւան, Հարավ-Արեւմտյան թաղամաս, Իսակովի պող., թիվ 92 մանկապարտեզ | Այս տարածքի շենքերում հավաքագրում են այն անձանց տվյալները, ովքեր չեն մասնակցելու ընտրություններին: Հայտնող քաղաքացին չցանկացավ ասել իր անունը: | 11.02.2013 | 15.00 |
50 | Երեւան, Արաբկիր | Քաղաքացին հայտնեց, որ Արամ Խաչատրյան 26/1 հասցեում հավաքագրում են մարդկանց անձնագրերը, նաեւ բաժանում են կեղծ անձնագրեր: | 11.02.2013 | 15.00 |
51 | Շիրակի մարզ, Ազատան գյուղ | Ազատան գյուղի 35/1 ընտրատեղամասում փակցված են Սերժ Սարգսյանի պաստառները: Կան լուսանկարներ: | 12.02.2013 | 12.00 |
52 | Շիրակի մարզ, ք. Գյումրի | Քաղաքացի Հայկ Խաչատրյանը տեղեկացրեց, որ այս օրերին Գյումրիից մեծ թվով չափահաս մարդկանց բերում, գրանցում են Երեւանի տարբեր հասցեներում, որպեսզի քվեարկեն եւ Գյումրիում, եւ Երեւանում՝ ընտրելով Սերժ Սարգսյանին: Շեշտվում է, որ այդ ապօրինության մեջ ներքաշվում են հատկապես մսի կոմբինատի աշխատակիցները: | 12.02.2013 | 12.00 |
53 | Երեւան, Արաբկիր համայնք | Արծրունի փողոցը քարոզչության համար չնախատեսված վայրերում, զարդարված է Սերժ Սարգսյանի քարոզարշավի դրոշներով: Տեղեկացրին Արաբկիրի կամավորները: | 12.02.2013 | 12.00 |
54 | Երեւան, Արաբկիր համայնք | Ավետիսյան 80 հասցեի նույն շենքում են տեղավորված եւ Սերժ Սարգսյանի շտաբը, եւ «Արեւիկ» համատիրությունը: Տեղեկացրին Արաբկիրի կամավորները: | 12.02.2013 | 12.30 |
55 | Գեղարքունիքի մարզ, ք. Մարտունի | Վարուժան Գասպարյանը տեղեկացրեց, որ Մարտունի քաղաքի բնակիչներից շատերին գրանցում են Երեւանում, որպեսզի քվեարկեն եւ Մարտունիում, եւ Երեւանում: | 12.02.2013 | 12.30 |
56 | Արմավիրի մարզ, Հուշակերտ | Հուշակերտ գյուղի բնակիչներ Մարտուն եւ Վարդան Հովհաննիսյանները հայտնեցին, որ իրենց գյուղի ընտրացուցակներում կան մահացած անձանց անուններ: Դրանք են՝ Հեգել Ավետիքի ՀովհաննիսյանՄասիս Միհրանի Թամոյան Սայիդ Ուսուֆի Թամոյան Ունուզ Յուսուֆի Թամոյան Ավագ Մյասնիկի Մուրադյան | 12.02.2013 | 13.30 |
57 | Արագածոտնի մարզ, ք. Աշտարակ | Աշտարակի քաղաքապետը Ն.Սիսակյանի անվան թիվ 5 ավագ դպրոցում ծնողական ժողով էր հրավիրել, որի ընթացքում իրականացրել է նախընտրական քարոզչություն: Տեսագրությունը` ականատեսի:http://www.youtube.com/watch?feature=player_embedded&v=ip95szZkado | 12.02.2013 | |
58 | Շիրակի մարզ, ք. Գյումրի | Հայկ Կարապետյանը հաղորդում է, որ փետրվարի 9-ին Գյումրիի «Ֆոտոն» վարժարանի դասատուներին պարտադրել են 10-ական աշակերտ բերել Սերժ Սարգսյանի հետ հանդիպմանը: | 13.02.2013 | 02:13 |
59 | Արագածոտնի մարզ, ք.Ապարան | Գեւորգ Սահակյանը հաղորդում է, որ Ապարանի հիվանդանոցի վրա փակցված են ՀՀ գործող նախագահ Սերժ Սարգսյանի քարոզչական պաստառները: Նույն հիվանդանոցի ընդունարանում եւս դրված են նույն թեկնածուի քարոզչական նյութերը: | 13.02.2013 | 11:30 |
Կարծիքներ