Ծվեններ մեծ լրահոսից
hraparak
1 Հունիս 2013 | 08:50
0
ԿԼԱՍԻԿԸ ՄՆՈՒՄ Է ԿԼԱՍԻԿԱյն, ինչ կարելի է ՀՀԿ դասականին, չի կարելի Հայրիկյանի ընկերոջը: Խոսքն այլ անձի հրապարակային վիրավորանք հասցնելու եւ դրա համար պատասխանատվություն կրել-չկրելու մասին է: Եվ ահա իմացանք, որ ՀՀ նախագահի նախկին թեկնածու Վարդան Սեդրակյանի փաստաբան Ալեքսանդր Սիրունյանը դատի է տվել Հայրիկյանի ընկեր Կարո Եղնուկյանին՝ իրեն անբարոյական անվանելու համար:
ԳԱՂՏՆԱԼՍՈՒՄ
Առնելով Հանրապետության հրապարակի վերակառուցման համար հայտարարված մրցույթի լուրը, Սերժ Սարգսյանն ահաբեկված զանգահարել է Տարոն Մարգարյանին.
- Տարոն ջան, բայց կարող ա՞ էլի սիրուն չլինի:
ՊԱՊՍ ԱՍՈՒՄ ԷՐ՝ ՕՖՇՈՐԱՅԻՆ ԲԱՆԵՐԻ ՀԵՏ ԳՈՐԾ ՉՈՒՆԵՍ
Դատելով hetq.am-ի որոշ հրապարակումներից՝ կարելի է ասել, թե ինչ նկատի ուներ վարչապետ Սարգսյանը, երբ ասում էր, որ Հայաստանում պետք է մտածողության հեղափոխություն անել: Ճիշտ այդպես հանճարեղ կույր Պանիկովսկին հեղափոխում էր շարքային գող Շուրա Բալագանովին՝ ոչ մի գողություն, Շուրա, միայն կողոպուտ…
ՕԵԿ ԴՈՒ ՕԵԿ
Արթուր Բաղդասարյանը, Հեղինե Բիշարյանից ծածուկ, մի հարվածով ոչնչացրել է հայաստանյան վերջին ընտրությունների մասին ՀՀԿ բոլոր տեսությունները: Նա հատկապես դատապարտել է թաղի խուժանի մասնակցությունն այդ ընտրություններին, որ այնքան խնամքով թաքցնում էին Հովիկ Աբրահամյանը, Էդուարդ Շարմազանովը, կին պատգամավորների ջերմեռանդ պաշտպան Գալուստ Սահակյանը եւ այլոք:
ՀԵՂԻՆԱԿԱՅԻՆ ԻՐԱՎՈՒՆՔԻ ՀԱՐՑ
Իլհամ Ալիեւի հրամանագրով Ադրբեջանում, ինչպես Հայաստանում, կստեղծվի խորհուրդ՝ կազմված ազգի մեծերից: Ի տարբերություն Հայաստանի հանրային խորհրդի, այն կկոչվի սիքիմբաշիների խորհուրդ: Չնայած անվան խիստ ընդգծուն տարբերությանը, Ալիեւի մտահղացքը կունենա նույն գործառույթները, ինչ որ ՀՀ հանրային խորհուրդը:
Էդիկ ԱՆԴՐԵԱՍՅԱՆ
Կարծիքներ