Կոմիտասն ասաց՝ Հայ Եկեղեցու օրենքով արգելված է, Նավասա՞րդն ինչ ասաց
Նավասարդ արքեպիսկոպոս Կճոյան: Այդ երբվանի՞ց է մեր հոգեւոր թեմի առաջնորդների անունները հայտնվում սկանդալների կիզակետում: Գուցե այն ժամանակվանից, երբ սկսել են փլուզվել հոգեւոր արժեքները:
Չեմ պատկերացնում, որ նման աղմկահարույց ու վարկաբեկիչ բացահայտումներից հետո որեւէ հավատավոր Արարատյան հայրապետական թեմի առաջնորդի մոտ մտնի ու խնդրի Աստծու առաջ աղոթել իր մեղքերի համար ու թողություն խնդրել: Թեմի առաջնորդը չի՞ վախենա Աստծուց, Ով ամեն ինչ տեսնում ու կարող է ասել՝ քո մեղքերի համար թողություն խնդրիր, քո՜, մահկանացու՜… որովհետեւ Աստծո անունից խոսողներին ավելի մեծ պատիժ է սպառնում: Եթե աշխարհիկ տերերի վարք ու բարքը մի կերպ կարելի է տեղավորել ուղեղում, հոգեւոր տերերին ինչպե՞ս հասկանալ, մի՞թե նրանք նույնացել են աշխարհիկ զեխությունների հետ: Ինչու՞ կաթողիկոսը համազգային աղոթքի չի հրավիրում՝ Կճոյանի մեղքերի թողության համար: Հոգեւոր պատժաձեւի, գոնե հոգեւոր պատժաձեւի ենթարկում: Խոստովանությունից, միայն խոստովանությունի՜ց հետո: Մեր հոգեւոր առաջնորդները Կոմիտաս են աշխարհին տվել, Կոմիտաս են հայտնագործել ու ազգի ցավով են տառապել, ի՜նչ եք անում դուք… Թող Աստված դատի ձեզ՝ Աստվածային Արդարության գավազանով: Ուզում եմ պատմել Աստծո մի նվիրյալի մասին, ով հայ ազգին պարգեւեց Կոմիտաս:
Հրաչյա Աճառյանն է հուշի այդ գանձը փոխանցել սերունդներին: Խոսքը Կոմիտասի մասին է. «Նա Քյոթահիացի (Կուտիա) էր, թրքախոս հայ: Պատանի ժամանակ լսելով, որ Էջմիածնում մի լավ դպրոց է բացվել, ոտաբոբիկ եւ առանց գրպանում կոպեկ ունենալու, ճանապարհ է ընկել Քյոթահիայից եւ մուրալով-կուրալով Էջմիածին է հասել: Ով էր թողնում ոտաբոբիկ տղային ներկայանալ Գեւորգ կաթողիկոսին: Բայց նա մի կերպ սպրդում է ներս եւ մտնում է կաթողիկոսի սենյակը: Խոսում է թուրքերեն եւ ասում է. «Ես եկել եմ Ձեզ մոտ սովորելու»:
– Դու հայերեն չգիտե՞ս,– ասում է նրան կաթողիկոսը,– ես քեզ հետ ի՞նչ անեմ:
– Էրմենիջի բիլսե իդիմ, նի՞յե գելիր իդիմ (հայերեն եթե իմանայի, ինչի՞ պիտի գայի): ելմիշիմ քի օյրենեյիմ (եկել եմ, որ սովորեմ):
Այս հանկարծական եւ համարձակ պատասխանի վրա կաթողիկոսը զարմացած եւ ուրախացած հարցնում է.
– Սեն թուրքի-մուրքի բիլի՞րսին (դու որեւէ եղանակ երգել գիտե՞ս):
Սողոմոն Սողոմոնյանը (այս էր նրա աշխարհիկ անունը) սկսում է երգել մի թուրքական եղանակ, նրա ձայնի գեղեցկության եւ հմայքի վրա այնպես է հիանում կաթողիկոսը, որ իսկույն հրամայում է. «Շուտ, շուտ վերցրեք այս երեխային եւ տարեք ճեմարանի աշակերտ գրեցեք»:
Այսպես է կատարվում Սողոմոնի ընդունելությունը: Շատ ընդունակ աշակերտ է դառնում, հատկապես առաջադիմում է երաժշտական արվեստի մեջ, ավարտում է ճեմարանը եւ ուղարկվում է Գերմանիա (Բեռլին), երաժշտություն ուսանելու համար: Ավարտում է մեծ հաջողությամբ:
Ավարտելուց հետո գերմանացիք առաջարկում են նրան օպերայի երգչի պաշտոն ամսական 1000 մարկ ռոճիկով: Կոմիտասը մերժում է, հայտնելով, թե ինքը վարդապետ է:
– Վարդապետն ի՞նչ բան է,– հարցնում են նրան:
– Վարդապետը Հայ Եկեղեցու կրոնական պաշտոնյա է:
– Է, կրոնական պաշտոնը ի՞նչ արգելք կարող է դառնալ օպերայում երգելու:
– Հայ Եկեղեցու օրենքով այդպիսի բան արգելված է:
Կոմիտասը դառնում է Էջմիածին եւ լինում է ճեմարանի երգեցողության ուսուցիչ: Իր փառավոր գործունեությունը ամենքին հայտնի է: Ինքը եղավ հայ ազգային ժողովրդական երգի մասնագետը»:
Երեք հարց Նավասարդ Կճոյանին: Հայ Եկեղեցու օրենքով արգելվա՞ծ չէ օֆշորային պատմությունների մեջ մտնել ու շղարշել աշխարհիկ հանցագործությունները: Հոգեւոր առաջնորդին հարի՞ր է անընդհատ գտնվել սկանդալների կիզակետում: Գոնե Աստծո առաջ խոստովանելու՞ է իր մեղքը:
Կոմիտաս վարդապետը հրաժարվել է իր աշխարհիկ փառքից, օպերետային աշխարհահռչակ երգիչ դառնալուց, ասելով՝ Հայ Եկեղեցու օրենքով արգելված է: Իսկ Նավասարդ Կճոյանը նման բան երբեւէ ասե՞լ է նրանց, ովքեր իրեն հանցավոր ճանապարհով վայելք են առաջարկել…
Հասմիկ ԲԱԲԱՋԱՆՅԱՆ
Չեմ պատկերացնում, որ նման աղմկահարույց ու վարկաբեկիչ բացահայտումներից հետո որեւէ հավատավոր Արարատյան հայրապետական թեմի առաջնորդի մոտ մտնի ու խնդրի Աստծու առաջ աղոթել իր մեղքերի համար ու թողություն խնդրել: Թեմի առաջնորդը չի՞ վախենա Աստծուց, Ով ամեն ինչ տեսնում ու կարող է ասել՝ քո մեղքերի համար թողություն խնդրիր, քո՜, մահկանացու՜… որովհետեւ Աստծո անունից խոսողներին ավելի մեծ պատիժ է սպառնում: Եթե աշխարհիկ տերերի վարք ու բարքը մի կերպ կարելի է տեղավորել ուղեղում, հոգեւոր տերերին ինչպե՞ս հասկանալ, մի՞թե նրանք նույնացել են աշխարհիկ զեխությունների հետ: Ինչու՞ կաթողիկոսը համազգային աղոթքի չի հրավիրում՝ Կճոյանի մեղքերի թողության համար: Հոգեւոր պատժաձեւի, գոնե հոգեւոր պատժաձեւի ենթարկում: Խոստովանությունից, միայն խոստովանությունի՜ց հետո: Մեր հոգեւոր առաջնորդները Կոմիտաս են աշխարհին տվել, Կոմիտաս են հայտնագործել ու ազգի ցավով են տառապել, ի՜նչ եք անում դուք… Թող Աստված դատի ձեզ՝ Աստվածային Արդարության գավազանով: Ուզում եմ պատմել Աստծո մի նվիրյալի մասին, ով հայ ազգին պարգեւեց Կոմիտաս:
Հրաչյա Աճառյանն է հուշի այդ գանձը փոխանցել սերունդներին: Խոսքը Կոմիտասի մասին է. «Նա Քյոթահիացի (Կուտիա) էր, թրքախոս հայ: Պատանի ժամանակ լսելով, որ Էջմիածնում մի լավ դպրոց է բացվել, ոտաբոբիկ եւ առանց գրպանում կոպեկ ունենալու, ճանապարհ է ընկել Քյոթահիայից եւ մուրալով-կուրալով Էջմիածին է հասել: Ով էր թողնում ոտաբոբիկ տղային ներկայանալ Գեւորգ կաթողիկոսին: Բայց նա մի կերպ սպրդում է ներս եւ մտնում է կաթողիկոսի սենյակը: Խոսում է թուրքերեն եւ ասում է. «Ես եկել եմ Ձեզ մոտ սովորելու»:
– Դու հայերեն չգիտե՞ս,– ասում է նրան կաթողիկոսը,– ես քեզ հետ ի՞նչ անեմ:
– Էրմենիջի բիլսե իդիմ, նի՞յե գելիր իդիմ (հայերեն եթե իմանայի, ինչի՞ պիտի գայի): ելմիշիմ քի օյրենեյիմ (եկել եմ, որ սովորեմ):
Այս հանկարծական եւ համարձակ պատասխանի վրա կաթողիկոսը զարմացած եւ ուրախացած հարցնում է.
– Սեն թուրքի-մուրքի բիլի՞րսին (դու որեւէ եղանակ երգել գիտե՞ս):
Սողոմոն Սողոմոնյանը (այս էր նրա աշխարհիկ անունը) սկսում է երգել մի թուրքական եղանակ, նրա ձայնի գեղեցկության եւ հմայքի վրա այնպես է հիանում կաթողիկոսը, որ իսկույն հրամայում է. «Շուտ, շուտ վերցրեք այս երեխային եւ տարեք ճեմարանի աշակերտ գրեցեք»:
Այսպես է կատարվում Սողոմոնի ընդունելությունը: Շատ ընդունակ աշակերտ է դառնում, հատկապես առաջադիմում է երաժշտական արվեստի մեջ, ավարտում է ճեմարանը եւ ուղարկվում է Գերմանիա (Բեռլին), երաժշտություն ուսանելու համար: Ավարտում է մեծ հաջողությամբ:
Ավարտելուց հետո գերմանացիք առաջարկում են նրան օպերայի երգչի պաշտոն ամսական 1000 մարկ ռոճիկով: Կոմիտասը մերժում է, հայտնելով, թե ինքը վարդապետ է:
– Վարդապետն ի՞նչ բան է,– հարցնում են նրան:
– Վարդապետը Հայ Եկեղեցու կրոնական պաշտոնյա է:
– Է, կրոնական պաշտոնը ի՞նչ արգելք կարող է դառնալ օպերայում երգելու:
– Հայ Եկեղեցու օրենքով այդպիսի բան արգելված է:
Կոմիտասը դառնում է Էջմիածին եւ լինում է ճեմարանի երգեցողության ուսուցիչ: Իր փառավոր գործունեությունը ամենքին հայտնի է: Ինքը եղավ հայ ազգային ժողովրդական երգի մասնագետը»:
Երեք հարց Նավասարդ Կճոյանին: Հայ Եկեղեցու օրենքով արգելվա՞ծ չէ օֆշորային պատմությունների մեջ մտնել ու շղարշել աշխարհիկ հանցագործությունները: Հոգեւոր առաջնորդին հարի՞ր է անընդհատ գտնվել սկանդալների կիզակետում: Գոնե Աստծո առաջ խոստովանելու՞ է իր մեղքը:
Կոմիտաս վարդապետը հրաժարվել է իր աշխարհիկ փառքից, օպերետային աշխարհահռչակ երգիչ դառնալուց, ասելով՝ Հայ Եկեղեցու օրենքով արգելված է: Իսկ Նավասարդ Կճոյանը նման բան երբեւէ ասե՞լ է նրանց, ովքեր իրեն հանցավոր ճանապարհով վայելք են առաջարկել…
Հասմիկ ԲԱԲԱՋԱՆՅԱՆ
Կարծիքներ