Համազգեստների համար դատախազությանը հարկավոր է 10 օր եւ 92,9 միլիոն դրամ (լուսանկարներ)
hraparak
19 Հունիս 2013 | 09:45
0
ՀՀ կառավարության աշխատակազմի ղեկավար-նախարար Վաչե Գաբրիելյանն առաջարկում է սույն թվականի հուլիսի 1-ին ՀՀ դատախազության 95-ամյակի տոնի կապակցությամբ կազմակերպվելիք միջոցառումներին դատախազության աշխատակիցների համազգեստով մասնակցելու անհրաժեշտությունից ելնելով դատախազների համազգեստի, տարբերանշանների նկարագիրը, դրանք կրելու կարգը սահմանելու եւ Հայաստանի Հանրապետության կառավարության 2009 թվականի հունվարի 8-ի N 32-Ն որոշումն ուժը կորցրած ճանաչել: Որոշման նախագծի համաձայն «Հայաստանի Հանրապետության զինվորական կենտրոնական դատախազություններում եւ կայազորների զինվորական դատախազություններում պաշտոն զբաղեցնող դատախազների համազգեստը՝ իր նկարագրով պահպանվում է, վերջիններիս համար սահմանվում է միայն կրման կարգ եւ տոնական համազգեստ:
Իսկ Հայաստանի Հանրապետության գլխավոր դատախազությունում, մարզերի, Երեւան քաղաքի, Երեւան քաղաքի վարչական շրջանների դատախազություններում պաշտոն զբաղեցնող դատախազների համար նոր համազգեստի, տարբերանշանների նկարագիր եւ կարգ է սահմանվում: Նոր որոշման համար պետբյուջեում ծախսերի ավելացում է նախատեսվում 92.9 մլն դրամ:
Համազգեստները կլինեն առավելապես մուգ կապույտ եւ սպիտակ:
Կարծիքներ