«Չկա որևէ ապացույց, որ Սեդրակյանը կապ ունի Հայրիկյանի մահափորձի հետ». փաստաբան

Էպոսագետ, ՀՀ նախագահի նախկին թեկնածու Վարդան Սեդրակյանը Ֆեյսբուք սոցցանցի իր էջում ներկայացրել է  փաստաբան Ալեքսանդր Սիրունյանի հայտարարությունը, որում ասված է. «Բացակայում են Վարդան Սեդրակյանի մեղադրման հիմքերը և չկա որևէ ապացույց, որ Սեդրակյանը կապ ունի պարոն Հայրիկյանի հետ տեղի ունեցածի հետ: Չեմ կարծում, որ Սեդրկայանի գրասենյակից հայտնաբերված թերթը, որի վրա կան խզբզոցնել, ապացույց է»:



Վարդան Սեդրակյանի ֆեյսբուքյան էջում նշվում է. «Սիրունյանը ևս մեկ անգամ նշեց բոլոր թերությունները և փաստերը:

Տուժողին պետք է որ հետաքրքրեր, թե իրական հանցագործն ով է:  Հետազոտված ապացույցները Սեդրակյանին որևէ կերպ չեն վերաբերում:  Սեդրակյանը կալանավորված է ու ակնհայտ է, որ կալանավորված է անտեղի: Չկա նաև դատավարական անհրաժեշտություն Սեդրակյանին կալանքի տակ պահելու համար:  Փաստաբան Սիրունյանը միջնորդեց գրավի դիմաց ազատ արձակել Վարդան Սեդրակյանին»: