Տխուր է, որ դրսում ևս տեղյակ են մեր երկրում քաղցած մարդկանց մասին
hraparak
16 Նոյեմբեր 2013 | 07:13
0
Հունահռոմեական ոճի ըմբշամարտի Օլիմպիական խաղերի փոխչեմպիոն, աշխարհի առաջնության բրոնզե մեդալակիր Արսեն Ջուլֆալակյանը իր ֆեյսբուքյան էջում գրել է մի դիպվածի մասին , որը տեղի ու ունեցել իր հետ Գերմանիայում մարզման ժամանակ.
Հետաքրքիր դեպք տեղի ունեցավ այսօր՝ լի հակասական զգացողություններով:
Գերմանիայի Ալեն քաղաքում, որտեղի համանուն ակումբում արդեն 5-րդ տարին է հանդես եմ գալիս, մարզման ժամանակ մոտեցավ ինձ անծանոթ մի տարեց գերմանացի, ողջունեց, արտահայտեց իր հիացմունքը իմ գործի նկատմամբ և, անսպասելիորեն դրամապանակից հանելով 100 եվրո, տվեց ինձ: Երբ ես ասի, որ մենք անծանոթ ենք և ես չեմ կարող դա վերցնել, շատ վատ անգլերենով սկսեց ինչ-որ բան բացատրել: Արդյունքում պարզվեց, որ նա այդ գումարը տալիս է ինձ, որ ես փոխանցեմ հայազգի կարիքավոր երեխաներին:
Այդ պահին և՛ ուրախացա, և՛ ինչ որ տեղ նաև տխրեցի... Անչափ հաճելի էր, որ դեռևս կան նման արժեքներով ապրող մարդիկ, և որ կարողացել եմ իմ սպորտով ավելի ճանաչելի դարձնել մեր ազգն այստեղ: Բայց և տխուր է, երբ պարզվում է, որ նրանք ևս տեղյակ են քո երկրում մեծ թիվ կազմող քաղցած մարդկանց մասին:
Ինչևէ, կարծում եմ, եթե բոլորս իրար օգնենք, գործն ավելի արագ և արդյունավետ առաջ կգնա:
Կարծիքներ