BMW-ն ընկել է կամրջից, 3 մարդ տեղափոխվել է հիվանդանոց
hraparak
26 Հունվար 2014 | 09:11
0
Հունվարի 25-ին, ժամը` 23.33-ին, տեղեկատվություն է ստացվել, որ Երևան-Սևան ավտոճանապարհի 42-րդ կմ-ի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Ինչպես հայտնում են ՀՀ արտակարգ իրավիճակների նախարարությունից՝ դեպքի վայր է մեկնել մեկ մարտական հաշվարկ:
Պարզվել է, որ դեռևս չբացահայտված հանգամանքներում BMW մակնիշի 34MP824 պետհամարանիշի ավտոմեքենան կամրջի վրա դուրս է եկել ճանապարհի երթևեկելի հատվածից և ընկել տակով անցնող Հրազդան-Լեռնանիստ ավտոճանապարհի վրա, ինչի հետևանքով մինչև հրշեջ-փրկարարների կանչի վայր հասնելը ավտոմեքենայի ուղևորներ` 1991թ. ծնված Վ. Ա.-ն և Վ. Հ.-ն տարբեր մարմնական վնասվածքներով տեղափոխվել են Հրազդան քաղաքի ԲԿ:
Հրշեջ-փրկարարները ավտոմեքենայից դուրս են բերել վարորդ՝ 1983թ. ծնված Կ. Հ.-ին, ով նույնպես տեղափոխվել է Հրազդան քաղաքի ԲԿ: Բժիշկները Կ.Հ.-ի առողջական վիճակը գնահատել են ծանր, իսկ Վ.Ա.-ինը և Վ.Հ.-ինը` միջին ծանրության:
Կարծիքներ