Մարմաշենում վիճաբանության ժամանակ տղամարդը դանակահարել է համագյուղացուն

Հունիսի 8-ին, ժամը 14.45-ին, շտապօգնության կայանից ոստիկանության Ախուրյանի բաժնում հաղորդում էր ստացվել, որ Մարմաշեն գյուղից հիվանդանոց են տեղափոխել 1931 թ. ծնված Վոլոդյա Գ.-ին` որովայնի առաջնային պատի կտրած-ծակած վնասվածքով: Ըստ բժշկի տեղեկանքի` նա ի վիճակի չի եղել հաղորդում տալու:

Ոստիկանները պարզել են, որ նշված գյուղում, վիճաբանության ժամանակ, Վոլոդյա Գ.-ին դանակով հարվածել և վնասվածքը պատճառել է  համագյուղացին` 1961 թ. ծնված Վարդան Ս.-ն:

Վոլոդյա Գ.-ին տրվել է դատաբժշկի ուղեգիր: Դանակն առգրավված է:

Վարդան Ս.-ն ձերբակալված է: Կատարվում է նախաքննություն: