Չինական կայքերն այսուհետ կհեռացնեն օգտատերերի «վատ» մեկնաբանությունները

Չինական 29 խոշորագույն կայքերի նեկայացուցիչներ Չինաստանի Կիբերտարածության ադմինիստրացիայի կողմից կազմակերպված հանդիպմանը փաստաթուղթ են ստորագրել, որի համաձայն՝ ինտերնետ-կայքերը խոստացել են, որ իրենց օգտատերերը կհետևեն և կհարգեն Չինաստանի «օրենքները, ազգային շահերն ու քաղաքացիներին»: Այսպիսով, կայքերը կջնջեն այն մեկնաբանությունները, որոնք դեմ են ազգային շահերին, խախտում են ազգային միաբանությունը, պետական գաղտնիքներ են հրապարակում, գրում է չինական Xinhua պարբերականը:

Դրանից բացի, այդ հանդիպմանը հայտարարվել է «համացանցը վտանգավոր տեսանյութերից մաքրելու» արշավի սկզբի մասին: Այդպիսին են համարվում տարածված տեսահոսթինգներում, բլոգներում, բջջային հավելումների խանութներում և online պահուստներում տեղադրված այն տեսանյութերը, որոնք ահաբեկչական գործողությունների կոչեր են ներառում, «կեղծ լուրեր» են տարածում:

Թե ինչպես պետական նոր արշավը կազդի չինական խոշորագույն տեսակայքերի աշխատանքի և վարկանիշի վրա, առայժմ հայտնի չէ: