Հրապարակվել են նախագահ Քենեդիի դեմ մահափորձի վերաբերյալ գաղտնազերծված նյութերը

ԱՄՆ ազգային արխիվը հրապարակել է գաղտնազերծված փաստաթղթեր՝ կապված նախագահ Ջոն Քենեդիի, նրա եղբոր՝ Ռոբերտ Քենեդու և քաղաքացիական իրավունքների ղեկավար Մարտին Լյութեր Քինգի դեմ մահափորձերի հետ։ 

Փաստաթղթերը տեղադրված են արխիվի կայքում։

Դրանք գաղտնազերծվել են՝ համաձայն 2025 թվականի մարտի 17-ի նախագահ Դոնալդ Թրամփի հրահանգի, որը հրամայել է հրապարակել նախագահ Քենեդիի դեմ մահափորձի հետ կապված նախկինում գաղտնի բոլոր նյութերը: 

Թեև օրենքը պահանջում էր այս տվյալների ամբողջական հրապարակումը մինչև 2017 թվականը, նախագահներ Թրամփն ու Բայդենը բազմիցս հետաձգել են միջոցառումը՝ պատճառաբանելով ազգային անվտանգությանը և միջազգային հարաբերություններին հնարավոր վնասը: