Գնաճի պատճառով քաղաքացիներն սկսել են քիչ ծախսել 

Գնաճի պատճառով քաղաքացիներն սկսել են քիչ ծախսել 

Գերմանացիների 91 տոկոսը գնաճի եւ սղաճի պատճառով կրճատել են իրենց ծախսերը։ Հատկապես գերմանացիների համար զգալի է էներգիայի գնաճը։ Այս մասին գրում է Bild am Sonntag պարբերականը։ Համաձայն անցկացված սոցհարցումների, գերմանացիների 75 տոկոսի համար սղաճը շատ զգալի է ազդել իրենց բարեկեցության վրա եւ միայն 9 տոկոսն է ասել, որ ծախսերի հարցում կրճատումներ չի կատարել։

Հարցվածների 50 տոկոսը  նշել է, որ իր ֆինանսական վիճակը վատացել է, 42 տոկոսը ասել է, որ դեռ կարողանում է ֆինանսական վիճակը պահել կայուն եւ միայն 7 տոկոսն է նշել, որ իր ֆինանսական վիճակում դրական տեղաշարժ կա։ Ընդ որում՝ 46 տոկոսը, ըստ հարցման, հայտարարել է, որ խոշոր գնումները, որոնք պետք է այս ընթացքում կատարեր, հետաձգել է։