«Ինտերպոլը» հատուկ մասնագետներ կուղարկի Լիբանան՝ Բեյրութի պայթյունը հետաքննելու համար

«Ինտերպոլը» լիբանանյան իշխանությունների խնդրանքով Բեյրութ կուղարկի հատուկ մասնագետների, որոնք կհետաքննեն օգոստոսի չորսին Բեյրութի նավահանգստում տեղի ունեցած ողբերգական պայթյունը։ Այս մասին հայտնում է «Ինտերպոլը»։

Հիշեցնենք, որ պայթյունի հետեւանքով զոհվել էր ավելի քան 150 մարդ։ Տուժածների թիվը գերազանցում է 5000-ը։ Անօթեւան է մնացել 200-300 հազար մարդ։ Նախնական նյութական վնասի չափը մի քանի միլիարդ դոլար է։ Ը

ստ «Ինտերպոլի» գլխավոր քարտուղար Յուրգեն Շտոկի, կառույցի մասնագետները աջակցելու են տեղի իշխանություններին արտակարգ իրավիճակում արագ արձագանքման եւ պայթյունի պատճառների քննության ընթացքում։