Թեհրանի երկինքը մի քանի օր փակ է լինելու. ի՞նչ է կատարվում

Իրանը փակել է Թեհրանի օդային տարածքը՝ դա բացատրելով կրակոցներով, որոնք տեղի են ունենալու զորավարժությունների շրջանակներում։ Իրանի իշխանությունները NOTAM (Ծանուցում օդաչուներին) են թողարկել ուղղված թռիչքային անձնակազմին, որն արգելում է թռիչքները Թեհրանի մոտակայքում գտնվող Շահիդ Նոժե ավիաբազայի տարածքում կիրակի՝ օգոստոսի 11-ից մինչև չորեքշաբթի՝ օգոստոսի 14-ը։ Զեկույցում ասվում է, որ հրթիռային զորավարժությունները կանցկացվեն օդային էշելոններում՝ գետնից մինչև 10 հազար ֆուտ (3 կմ) բարձրության վրա: Բոլոր օդաչուներին խորհուրդ է տրվում խուսափել այդ բարձրություններից: