Հայտնի են ՀԳՄ մրցանակաբաշխության արդյունքները
Հայաստանի գրողների միության ամենամյա մրցանակաբաշխության արդյունքներն արդեն հայտնի են․ այսօր, ժամը 14։00-ին Չարենցի անվան գրականության եւ արվեստի թանգարանում տեղի կունենա մրցանակաբաշխության արարողությունը:
Ավետիք Իսահակյանի անվան մրցանակին (պոեզիա) արժանացել է Գագիկ Սարոյանը՝ «Բացիկներ» գրքի համար:
Լեւոն Շանթի անվան մրցանակին (դրամատուրգիա) արժանացել է Էլֆիք Զոհրաբյանը` «Թեթեւ տարեք» պիեսների գրքի համար:
Նիկոլ Աղբալյանի անվան մրցանակին (գրականագիտություն, գրաքննադատություն) արժանացել է Ֆելիքս Բախչինյանը` «Խավարին չհավատալու, խավարին չտրվելու պոեզիան» գրքի համար:
Վախթանգ Անանյանի անվան մրցանակին (մանկական գրականություն) արժանացել է Հակոբ Մուշը` «Հեքիաթներ թղթե ինքնաթիռից» գրքի համար:
Հովհաննես Թումանյանի անվան մրցանակին (գրական վաստակի համար) արժանացել է Ավիկ Իսահակյանը՝ «Վերնատան» զավակները», եւ Սուսաննա Հովհաննիսյանը՝ «Հովհաննես Թումանյան» գրքերի համար:
Միքայել Նալբանդյանի անվան մրցանակին (հրապարակագրություն) արժանացել է Նանեն՝ «Վերջին երանին» գրքի համար:
Հովհաննես Մասեհյանի անվան մրցանակին (թարգմանական գրականություն) արժանացել է Շանթ Մկրտչյանը` Ֆերնանդո Պեսսոա «Քնարերգություն» գրքի համար:
Արձակի ժանրում ոչ ոք մրցանակի չի արժանացել:
Կարծիքներ