Լևոն Մնացականյանի պատասխանը՝ Տիգրան Պետրոսյանին
Օրերս «Վաղվա Արցախ» կուսակցության ղեկավար Տիգրան Պետրոսյանը հրապարակային պնդումներով էր հանդես եկել, ըստ որոնց, քաղաքական նախատրամադրություններից ելնելով ոստիկանությունը պատշաճ կերպով չի հետևել ընտրությունների ընթացքին:
«Արցախպրեսի» հետ զրույցում անդրադառնալով այս պնդումներին Արցախի ոստիկանության պետ Լևոն Մնացականյանը նշել է, որ Արցախի Հանրապետության ոստիկանությունը իր գործունեությունը իրականացնում է ԱՀ Սահմանադրության եւ օրենքներին համապատասխան, եւ բացառություն չէ մարտի 31-ին անցկացված համապետական ընտրությունների ժամանակ ոստիկանության իրակացրած ծառայությունը։
«Ոստիկանությունն ապաքաղաքականացված մարմին է եւ իրավախախտումները նախականխելը, կանխելը ու խափանելը, ինչպես նաեւ վարույթ պահանջող իրավախախտումների շրջանակներում ոստիկանության իրականացրած գործողությունները քաղաքական ենթատեքստում դիտարկելը դուրս է տրամաբանության եւ ողջամտության սահմաններից»,-ասել է Մնացականյանը։
Կարծիքներ