ԵՄ-ից դուրս եկած Բրիտանիան ու ԵՄ-ն մտադիր են կարգավորել հարաբերությունները

Մեծ Բրիտանիան և Եվրամիությունը մտադիր են անցկացնել Brexit-ից հետո առաջին երկկողմ գագաթնաժողովը, որը կհամապատասխանի բրիտանական կառավարության նոր ղեկավար Քիր Սթարմերի մտադրություններին՝ սկսելու աշխատանքը Եվրոպայում իրենց գործընկերների հետ հարաբերությունների կարգավորման ուղղությամբ:
Այս մասին հայտնում է Financial Times-ը՝ հղում անելով ինչպես Լոնդոնում, այնպես էլ Բրյուսելի աղբյուրներին։

Ըստ աղբյուրի, կողմերը հաստատել են, որ քննարկվում է նման հանդիպման անցկացումը, որը նման է ԵՄ-ի Չինաստանի կամ Հնդկաստանի հետ անցկացվող հանդիպմանը։ 

Ինչպես հրապարակմանը հայտնել է անանուն եվրոպացի պաշտոնյան, այս թեման, ամենայն հավանականությամբ, կբարձրացվի Սթարմերի և Եվրոպական խորհրդի ղեկավար Շառլ Միշելի հանդիպման ժամանակ՝ Եվրոպական քաղաքական համայնքի գագաթնաժողովի շրջանակներում: Այն պետք է տեղի ունենա հուլիսի 18-ին Լոնդոնի մերձակայքում։

Միաժամանակ թերթի աղբյուրները պարզաբանել են, որ այս հարցի քննարկումն ինքնին վաղ փուլում է։
Հավելենք, որ Մեծ Բրիտանիան դուրս եկավ ԵՄ-ից 2016 թվականի հանրաքվեից հետո։