ՔՊ-ի պարտված թեկնածու Աբունցը՝ պարտվելու, կնոջ՝ Գորիսի քաղաքապետարանում աշխատելու մասին
«Տեղեկություն չունեմ, թե առաջին նիստը երբ է»։ Այս մասին «Հրապարակ»-ի հետ զրույցում ասաց Գորիսում իշխանության պարտված թեկնածու Վլադիմիր Աբունցը՝ նշելով, որ դեռ չեն ստացել մանդատները։
Հարցին՝ ինչպիսի՞ տրամադրվածությամբ է գնալու ավագանու նիստերին, պատասխանեց․ «Չեմ կարող դեռ պատասխանել, կպատասխանենք հետագայում։ Նորմալ, սովորական տրամադրվածություն ունեմ»։
Իշխանության պարտված թեկնածուն չցանկացավ այլ հարցերի պատասխանել։
Մեր տեղեկության վերաբերյալ, թե իր կինը՝ Նաիրա Աբունցն աշխատո՞ւմ է Գորիսի քաղաքապետարանում, ասաց՝ այո՝ ավելացնելով, որ հիմա արձակուրդում է։
Երբ հետաքրքրվեցինք՝ շարունակելո՞ւ է աշխատել, անջատեց հեռախոսազանգը։
Նշենք, որ Աբունցը ավելի վաղ հայտարարել էր,, որ պատվով են պարտվել։
Հիշեցնենք, որ Գորիսի քաղաքապետի ընտրություններում հաղթանակ է տոնել Առուշ Առուշանյանը, որը գտնվում է անազատության մեջ։
Կարծիքներ