Պլասիդո Դոմինգոյին մեղադրել են սեքսուալ ոտնձգությունների մեջ

Միանգամից ինը կին մեղադրել է աշխարհահռչակ օպերային երգիչ Պլասիդո Դոմինգոյին սեքսուալ ոտնձգությունների մեջ։

Այս մասին հայտնում է Associated Press լրատվական գործակալությունը։ Նրանցից ութը երգչուհիներ են, մեկը՝ պարուհի։ Նրանք երգչի անվայելուչ պահվածքին բախվել են անցյալ դարի ութսունական թվականներին։ Կանայք ասել են, որ Դոմինգոյին մերժելը նրանց կարիերայի վրա բացասաբար կանդրադառնար։

Associated Press-ը նշում է, որ իր լրագրողները երեսուն մարդու հետ են շփվել, ովքեր աշխատել են երգչի հետ եւ նրանք հաստատել են, որ 78-ամյա երգիչը հաճախ է իրեն անվայելուչ պահվածք թույլ տվել։ Երգիչն էլ ասել է, որ ափսոսում է, որ ոմանց դիսկոմֆորտ զգալու պատճառ է դարձել։