Մեծ խելքի առջև խոնարհում եմ գլուխս, մեծ սրտի առջև՝ ծալում ծնկներս․ Վ․Հյուգո
• Աստված ստեղծել է կատվին, որպեսզի մարդը վագր ունենա, որին կարող է շոյել:
• Ես անտարբեր եմ թշնամու դանակի հարվածների հանդեպ, սակայն ինձ տանջում է ընկերոջ քորոցի ծակոցը:
• Փոխե՛ք ձեր կարծիքները, պահե՛ք ձեր սկզբունքները. փոխե՛ք տերեւները, պահե՛ք արմատները:
• Մեծ խելքի առջեւ խոնարհում եմ գլուխս, մեծ սրտի առջեւ` ծալում ծնկներս:
• Անքնությունը մարդու հանդեպ գիշերվա ծաղրանքն է:
• Ուղեղը հարստանում է նրանից, ինչ ստանում է, սիրտը` ինչ տալիս է:
• Ճիշտ դատողությունները տանում են դեպի ճիշտ արարքներ: Մտքի ճշմարտացիությունը հանգեցնում է սրտի արդարությանը:
• Ով դպրոց է բացում, նա բանտ է փակում:
• Միշտ սիրեք իրար ամբողջ հոգով: Աշխարհում գրեթե ոչինչ չկա` բացի սիրուց:
• Մեր արարքները կարող են մեզ երկինք հասցնել կամ նետել խորը անդունդը: Մենք մեր գործողությունների զավակներն ենք:
• Եթե մարդը կարող է ասել` ինչ է սերը, ուրեմն նա ոչ ոքի չի սիրել:
• Ազգի մեծությունը չի չափվում նրա թվաքանակով, ինչպես մարդու մեծությունը չի չափվում նրա հասակով. միակ չափորոշիչը նրա մտավոր զարգացությունն է եւ բարոյական մակարդակը:
• Աշխարհում չկա ավելի հզոր բան, քան այն գաղափարը, որի ժամանակը եկել է:
• Ազատությունն սկսվում է հեգնանքից:
• Մարդիկ չունեն ուժի պակաս, նրանք ունեն կամքի պակաս:
• Անթերի զույգ. տղան` Քվազիմոդո, աղջիկը` կույր: Տղան երբեք չի գնա ուրիշի մոտ, աղջիկը երբեք չի տեսնի տղայի անճոռնիությունը:
• Ճակատագիրը ոչ միայն կույր է, այլեւ կուրացնում է իր սիրելիներին:
• Կյանքը ծաղիկ է, որի համար սերը մեղր է:
• Անգործությունը երեխաների երջանկությունն է, ծերերի` դժբախտությունը:
• Ցանկացած խնամակալություն, որը շարունակվում է չափահաս դառնալուց հետո, վերածվում է ուզուրպացիայի:
• Մարդու բանականությունն ունի 3 բանալի, որոնք բացում են ամեն ինչ: Դրանք են` գիտելիք, միտք, երեւակայություն:
• Սիրել, ուրեմն գործել:
• Ամբողջությամբ երջանիկ լինելու համար միայն երջանկություն ունենալը բավարար չէ, պետք է նաեւ արժանի լինել դրան:
• Կարելի է ընդդիմանալ զորքերի ներխուժմանը, բայց գաղափարների ներխուժմանն ընդդիմանալ հնարավոր չէ:
• Մարդուն փոխելու համար պետք է սկսել նրա տատիկից:
• Մա՛րդ եղեք ամենից առաջ եւ ամենից շատ: Մի վախեցեք չափից շատ բեռնվել մարդասիրությամբ:
• Մեր կյանքը ճամփորդություն է, գաղափարը` նրա ուղեցույցը: Եթե ուղեցույց չկա, մնացած ամեն ինչը կանգ է առնում:
• Գեղեցիկ արտահայտությունները զարդարում են գեղեցիկ միտքը եւ պահպանում այն:
• Միտքը խելքի աշխատանքն է, երազանքը վայելք է: Միտքը փոխարինել երազանքով` ուրեմն թույն խառնել ուտելիքին:
• Սերը ծառի է նման: Աճում է ինքն իրեն, խորը արմատներ է ձգում մեր ամբողջ էության մեջ եւ շարունակում է կանաչել ու ծաղկել նույնիսկ մեր սրտի ավերակների վրա:
• Միտքը` ինքը, սնունդն է: Մտածել` ուրեմն սնվել:
• Ամեն տեսակ կոպտություն կարծես հալչում է կրակի վրա լավ գրքերի ամենօրյա ընթերցանությունից:
• Մեծ պոետները` ինչպես բարձր լեռներ, ունեն բազմաթիվ արձագանքումներ: Նրանց երգերը կրկնվում են բոլոր լեզուներով:
• Ապագան ունի մի քանի անուն: Թույլ մարդու համար ապագայի անունն է` անհնարինություն, փոքրոգու համար` անհայտություն, խորամիտ ու քաջարի մարդու համար` իդեալ:
• Երբ ժողովուրդը մոռանում է Աստծո մասին, Աստված աղետներ է ուղարկում երկիր:
• Փորձառությունը բազմապիսի է եւ օգուտ կամ վնաս է բերում` մարդկային բնույթից կախված: Լավ բնույթով մարդը հասունանում է, վատ բնույթով մարդը` փչանում:
• Կնոջ հանդեպ սերը մեզ համար ունի մեծ, անփոխարինելի նշանակություն, ինչպես աղը` մսի համար: Ներծծվելով սրտի մեջ` նա պաշտպանում է նրան փչանալուց:
• Կյանքի լավագույն տարիները դեռ չապրած տարիներն են:
• Հույսը կարող էր լինել մարդկային հոգու մեծագույն ուժերից մեկը, եթե գոյություն չունենար հուսահատությունը:
• Երաժշտությունն արտահայտում է այն, ինչն անհնար է ասել, բայցեւ անհնար է դրա մասին լռել:
• Քառասուն տարեկանը երիտասարդության ծերությունն է, հիսունը` ծերության երիտասարդությունը:
• Բարի լինելը բացարձակ դժվար չէ, դժվար է անաչառ լինելը:
• Ինձ համար անկարեւոր է` ում կողմն է ուժը: Կարեւոր է այն, թե ում կողմն է օրենքը:
• Անամոթությունը երբեմն թաքցնում է ամոթը:
• Մտածողն ունի որոշակի նպատակ, երազողը` ոչ մի:
• Զգացմունքների բարձրությունն ուղիղ համեմատական է մտքերի խորությանը: Սիրտն ու խելքը հավասարակշռության երկու կողմերն են: Խելքն իջեցնելով գիտակցության խորքերը` մենք սիրտը հասցնում ենք դեպի երկինք:
• Դաստիարակությունը խղճի գործն է, կրթությունը` գիտության: Ավելի ուշ արդեն ձեւավորված մարդու մոտ ճանաչողության այս երկու ձեւերը լրացնում են իրար:
Թարգմանությունը` Անահիտ ԳԵՎՈՐԳՅԱՆԻ
Կարծիքներ