Լուկաշենկոն կոչ է արել Փաշինյանին հապճեպ որոշումներ չկայացնել
![Լուկաշենկոն կոչ է արել Փաշինյանին հապճեպ որոշումներ չկայացնել](https://hraparak.am/uploads/images/2023/11/image_750x_6553b5ac55e41.jpg)
Հայտնել էինք, որ Հայաստանի վարչապետ Նիկոլ Փաշինյանը իր բելառուս գործընկերոջ՝ Ալեքսանդր Լուկաշենկոյի հետ հեռախոսազրույցում տեղեկացրել է, որ չի կարողանա մասնակցել նոյեմբերի 23-ին Մինսկում կայանալիք ՀԱՊԿ գագաթնաժողովին։
Բելառուսի նախագահ Ալեքսանդր Լուկաշենկոն կոչ է արել ՀՀ վարչապետ Նիկոլ Փաշինյանին հապճեպ որոշումներ չկայացնել ՀԱՊԿ-ի հարցում
Այդ մասին ՌԻԱ Նովոստի-ի հետ զրույցում ասել է Լուկաշենկոյի մամուլի քարտուղար Նատալյա Էյսմոնտը։
Նրա խոսքով՝ Լուկաշենկոն հանգիստ է վերաբերվել Նիկոլ Փաշինյանի որոշմանը՝ չմասնակցել ՀԱՊԿ-ի գագաթնաժողովին՝ հասկանալով, որ դա ցանկացած երկրի ղեկավարի գործն է։
«Ելնելով իր փորձից և նման իրավիճակներում որոշ այլ հայտնի քաղաքական գործիչների գործողություններից՝ նախագահ Լուկաշենկոն Հայաստանի վարչապետին առաջարկել է չշտապել, հապճեպ որոշումներ չընդունել, այլ լրջորեն մտածել հաջորդ քայլերի մասին, որոնք կարող են ուղղված լինել ապաինտեգրմանը»,- հայտարարել է Բելառուսի նախագահի խոսնակը։
Կարծիքներ