Արմեն Սարգսյանի որդին հերքում է․ «Իմ ընտրյալը հայուհի է՝ ավանդական հայկական ընտանիքից»
Այսօր սոցցանցում «Քաղաքացիական գիտակցություն» ՀԿ նախագահ Նարեկ Սամսոնյանի կողմից տեղեկություն տարածվեց, թե ՀՀ նախագահ Արմեն Սարգսյանի որդիներից մեկը՝ Հայկ Սարգսյանը, ունի ոչ ավանդական կողմնորոշում, ամուսնացած է տղամարդու հետ, որի անունը Ֆարիս է։ Անգամ նրանց համատեղ լուսանկարը տարածվեց։ Hraparak.am-ը պարզաբանում խնդրեց այս կապակցությամբ նախագահի ընտանիքից։ Մեզ տրամադրեցին անձամբ նախագահի որդու՝ Հայկ Սարգսյանի պարզաբանումը որտեղ նա հերքում է, որ տղամարդու հետ է ամուսնացել։
«Անկեղծ ասած, զարմացած եմ այդ հրապարակման անհեթեթության և դրա հեղինակների նեղմտության և փոքրոգության աստիճանից: Տեխնոլոգիաներն, իհարկե, հնարավորություն են տալիս ցանկացած լուսանկար մակագրել ըստ ցանկության, ինչպես և վարվել են Ձեր նշած հրապարակման հեղինակները և նրանց անազնիվ դիրիժորները՝ ունենալով ամենաստոր նպատակները: Միանգամից հիասթափեցնեմ. իմ ընտրյալը հայուհի է, ավանդական հայկական ընտանիքից»,-փոխանցել է մեզ Հայկ Սարգսյանը։
Կարծիքներ