Բայդենը մի շարք հիվանդություններ ունի․ բժշկական եզրակացություն

Բժիշկներն ԱՄՆ նախագահ Ջո Բայդենի մոտ ախտորոշել են մի շարք հիվանդություններ, այդ թվում՝ արթրիտ։
Այս մասին գրում է РИА Новости-ն՝ հղում անելով Սպիտակ տան ղեկավարի բժշկական զննության արդյունքներով թերապևտի արած եզրակացությանը։

Գործակալության տվյալներով՝ ամերիկացի առաջնորդի մոտ ախտորոշվել է ողնաշարի արթրիտ և հիպերլիպիդեմիա։ Միաժամանակ բժիշկները պարզել են, որ ամերիկացի առաջնորդը տառապում է գաստրոէզոֆագեալ ռեֆլյուքսով։ 
Վերջինս աղեստամոքսային տրակտի հիվանդություններից է, որը կարող է դրսևորվել «կոկորդը մաքրելու» հաճախակի ցանկության տեսքով։

Բացի այդ, Բայդենը տառապում է թոքային գործառույթի անբավարարությամբ՝ ուղեկցված քնի խանգարումներով։
Միաժամանակ, եզրակացության մեջ ընդգծվում է, որ ԱՄՆ նախագահի վեստիբուլյար ֆունկցիան և գանգուղեղային նյարդերը նորմալ են, չեն արձանագրել նաև ցիանոզ կամ վերջույթների ցնցում։