Մարդանման ռոբոտի նկարած նկարը վաճառվել է աճուրդով 

Sotheby's աճուրդատանը 1,08 միլիոն դոլարով վաճառվել է աշխարհում առաջին նկարը, որը նկարվել է մարդանման ռոբոտի կողմից։ Նկարում պատկերված է Ալան Թյուրինգի դիմանկարը։ Այն մեծ հետաքրքրություն է առաջարկել։ Գնման 27 հայտ է ներկայացվել։ Նախնական արժեքը կազմել է 120-180 հազար դոլար, սակայն այն վաճառվել է ավելի քան մեկ միլիոն դոլարով։ Նկարը նկարել է «Ai-Da» անվանումով հումանորիդ ռոբոտի կողմից, որը համարվում է նկարիչ ռոբոտ։

Ռոբոտը ստեղծվել է 2019 թվականին։ Այն օգտագործում է բարձր տեխնոլոգիական տեսախցիկներ եւ արհեստական բանականության բարդ ալգորիթմներ, ինչպես նաեւ հատուկ ներկառուցված ռոբոտացված, բարդ համակարգ ունեցող ձեռքեր՝ իր նկարները նկարելու համար։

«Ai-Da»-ն նախքան նոր նկար նկարելը, նախ արհեստական բանականության վրա հիմնված խոսքային ալգորիթմի օգնությամբ զրուցում է մարդու հետ։ «Ai-Da»-ի ստեղծող Էյդան Մելերը հայտարարել է, որ այս ամենը առիթ կդառնա, որպեսզի աշխարհում սկսվեն լուրջ էթիկական քննարկումներ կապված այն բանի հետ, թե ինչպիսի բարձր պատասխանատվություն է պետք արհեստական բանականությունն օգտագործելիս։