Հեղինակավոր ֆուտբոլային ակումբները հետաքրքրված են 16-ամյա ֆուտբոլիստով 

Թբիլիսյան «Դինամոյի» 16-ամյա պաշտպան Սաբա Խարեբաշվիլին գրավել է իսպանական երկու հեղինակավոր ֆուտբոլային ակումբների՝ կատալոնական «Բարսելոնայի» եւ Մադրիդի «Ռեալի» ուշադրությունը։ Համաձայն Diario AS պարբերականի, չնայած իր երիտասարդ տարիքին, Խարեբաշվիլին արդեն հասցրել է ունենալ իր առաջնախաղը «Դինամոյի» հիմնական կազմում եւ տպավորել իր հասուն խաղով ու հիանալի ֆիզիկական տվյալներով։

Երիտասարդ մարզիկը արդեն քսանյոթ հանդիպման է մասնակցել «Դինամոյի» կազմում եւ երկու գոլային փոխանցում կատարել։ Transfermarkt-ի տվյալներով, Խարեբաշվիլու շուկայական արժեքը կազմում է 300 հազար եվրո։