Նման ղեկավարը միջազգային Կարմիր գրքի եզակի դեպք է․․․

Աշխարհում էլի կա՞  սահմանները վտանգի տակ դրած սուվերեն պետության  ղեկավար, ով տիկտոկյան էջում կգրի․ «Ակադեմիական քաղաքի Masterplan- ը պատրաստ է, ստորև 450 էջանոց փաթեթն է»։ Նման  մարդուն պիտի կարմիր գրքի մեջ ամրագրել, երբ երկիրը արհավիրքի, պետականությունը կորցնելու  եզրին է, երբ զիջումները ամբողջ հանրապետությունն է ընդգրկել, երբ ամեն ինչը պիտի փոխադրել երկրի անվտանգության ամրակայմանը, ինքը կայացած համալսարանները  այլ տեղ տանելու Masterplan է տիկտոկ գցում։ Այդ հաղորդումը նայելուց հետո ախուրյանցի Անոյի պարն էի «ըմբոշխնում»։

Սա բացառիկ երևույթ է և նրան պիտի ընդգրկել ոչ թե Հայաստանի , ոչ թե տարածաշրջանի, այլ միջազգային  Կարմիր գրքերի ցուցակում։ Աշխարհում եզակի դեպք է,  եթե թվարկեմ եզակիության հատկանիշները, 4 միլիոն 450 էջանոց փաթեթ կկազմի։  Երբ փորձում ես լրջանալ հարցերի մեջ, զարմանում ես՝ այս մարդը տիկտոկե՞ր է, թե՞ պետության ղեկավար։ Եթե Ակադեմիական քաղաքի  Masterplan- ը պատրաստ է, ինչու՞ է տիկտոկով ներկայացվում։ Այլ պետական միջոց չկա՞, թե երկիրը քանդվել ու ակադեմիական քաղաքը մնացել է տիկտոկի հույսին։ Սահմաններին Masterplan արա, 15 զինվոր մոխրացան, ի՞նչ արիր․․․ Չեմ ուզում նույնիսկ իմանալ՝  այդ մոխրացած դիրքե՞րն էլ թշնամուն հանձնվեց։