Եթե մի զբոսաշրջիկ այնտեղ գնա, կասի՝ Հայաստան մի՛ գնացեք․ վարչապետը՝ Սևանի ափի օբյեկտների մասին
Կառավարության այսօրվա նիստում վարչապետ Նիկոլ Փաշինյանն անդրադարձավ Սեւանա լճի մոտակայքում դրված վագոնների խնդրին:
«Իմ կարծիքով՝ Սեւանի ափին կան օբյեկտներ, որոնք տեղով էկոլոգիական աղետ են: Այդ մարդիկ աղտոտում են Սեւանը, կրում են տնտեսական վնաս, կառավարությունից պահանջում են, որ մարդկանց ուղղորդեն իրենց աղտոտած ջրերը եւ հավաբուն հիշեցնող օբյեկտներում հաց ուտեն»,- դժգոհեց վարչապետը՝ հիշելով այդ օբեյկտների տերերի բողոքի ակցիան։
Ըստ Փաշինյանի՝ քաղաքակրթական հարց է: «Հասկացանք՝ ամեն ինչը սոցիալական ենթավերնագրերով պայմանավորում ենք, մարդիկ ընտանիք են պահում: Բայց փտող վագոնչիկներով ընտանիք երկար չեն կարող պահել: Սեւանի շուրջը բիզնեսը պետք է քաղաքակրթվի»,- ասաց նա:
Վերջում վարչապետը հորդորեց տնտեսվարողներին մաքրել իրենց ոտքի տակը: «Պետք է հասցեական միջոցներ ձեռնարկել: Հիմա զբոսաշրջության զարգացման մասին ենք խոսում: Եթե մի զբոսաշրջիկ այնտեղ գնա, կասի՝ Հայաստան մի՛ գնացեք»,- ասաց Նիկոլ Փաշինյանը։
Կարծիքներ