Կանցկացվի հանրաքվե միասեռական ամուսնություններն օրինականացնելու հարցով
«Ամուսնություն բոլորի համար» նախաձեռնության շուրջ համազգային հանրաքվեն Շվեյցարիայում կկայանա կիրակի:
Երկրի խորհրդարանը նախորդ տարվա վերջում հաստատել է «ամուսնությունը բոլորի համար», այդ թվում՝ թույլ է տվել լեզբուհիների զույգերի համար ապահովել սերմնաբջջի բանկերի հասանելիությունը: Ավելի ուշ նախաձեռնության դեմ են ներկայացել հիմնականում երկու կուսակցությունների ներկայացուցիչները՝ Շվեյցարիայի ժողովրդական կուսակցության եւ Դաշնային դեմոկրատական միության անդամները, որոնք հավաքել են անհրաժեշտ թվով ստորագրություններ հանրաքվեի համար, հաղորդում է ՌԻԱ Նովոստի-ն:
Ամռանը երկրի կառավարությունը խորհուրդ էր տվել քաղաքացիներին սատարել «ամուսնությունը բոլորի համար»: Իշխանությունների կարծիքով՝ միեւնույն սեռն ունեցող զույգերը պետք է օժտվեն նույն իրավունքներով, որն ունեն տարասեռ սույգերը: Այդպիսի զույգերը նույնպես պետք է հնարավորություն ունենան քաղաքացիական ամուսնության համար, ասվում է կառավարության հայտարարության մեջ:
Կարծիքներ