3500 ԱՄՆ դոլար, ևս 340 հազար դրամ կար չհրկիզվող պահարանում. տուժող
Այսօր «Սասնա ծռեր» խմբի տասն անդամի գործով դատարանում հարցաքննվեցին երկու տուժողներ` Սարգիս Գրիգորյանը և Գեղամ Խաչատրյանը:
Գրիգորյանը դատարանին հայտնեց, որ ամբաստանյալներին չի ճանաչում, գործից իրեն հայտնի է այնքանը, որքան բոլորին: Նա ասաց, որ պետության կողմից տուժող է ճանաչվել, բայց ինքն իրեն տուժող չի համարում. «Մեքենաս մնացել էր գնդի տարածքում, և այդ տասնհինգ օրերի ընթացքում ընդամենը մեկ կրակոց է եղել մեքենայիս ուղղությամբ, որի համար ես ինձ տուժող չեմ ճանաչում»:
Հաջորդը հարցաքննվեց Գեղամ Խաչատրյանը, որն ասաց, թե եղել է ՊՊԾ գնդի հրամանատարը, սակայն հիմա չի աշխատում:
Խաչատրյանը դատարանին հայտնեց նաեւ, որ գնդի գրավման ժամանակ տարածքում չի եղել, իրեն զանգահարել-հայտնել են դեպքի մասին, եկել է և սկսել ծառայությունը. «3500 ԱՄՆ դոլար, ևս 340 հազար դրամ կար չհրկիզվող պահարանում, որը գոյացել էր մեքենայի վաճառքից, երբ եկա գնդի տարածք, այդ գումարը չկար»:
Նա հայտնեց, որ հետագայում այդ գումարները հայտնաբերվել են գնդի տարածքից:
Տուժողը նաև հայտնեց, որ տեսել է վիրավոր ոստիկան Գագիկ Մկրտչյանին, որն արնահոսում էր:
Կարծիքներ