Վարորդի աշխատավարձը 270.000 է, իսկ սահմանում կանգնած տղերքինը՝ 120.000

Երևանի քաղաքապետարանում այսօր խորհրդակցություն է։ Երևանի քաղաքապետ Հրաչյա Սարգսյանն անդրադարձավ տրանսպորտի հարցին` նշելով, որ վարորդները  ծխում են, կանգառում չեն կանգնում. «Մեզ նոր ժամանակակից մեթոդներով վերահսկողություն է պետք, որ կարողանանք պատշաճ ծառայություն մատուցել մեր քաղաքացիներին։ Մամուլում շրջանառվում է, որ վարորդն ասում է` այդ 100 դրամը ինձ տվեք։ Վարորդին 100 դրամը մի տվեք, գցեք սարքի մեջ. նրա աշխատավարձը 270.000 է, իսկ սահմանում կանգնած տղերքինը՝ 120.000»։

Հրաչյա Սարգսյանը նշեց, որ համատեղ ուժերով պետք է հարցերը լուծել, դժվարություն կա, որ պետք է լուծել։