Եթե գործատուն վարում է սահմանված ձևի մատյանը, նրան որևէ մեկը տուգանելու իրավունք չունի
Իրավաբան, «Հայաստան» դաշինքի անդամ Ռոբերտ Հայրապետյանն իր ֆեյսբուքյան էջում գրել է.
«Վաղվանից գործատուներն ունեն հաշվառման մատյան վարելու պարտավորություն, որտեղ պետք է հաշվառեն պատվաստված կամ ՊՇՌ տեստ հանձնած աշխատողների տվյալները։
Եթե գործատուն նախարարի հրամանով սահմանված ձևի մատյանը վարում է ու նշանակել է պատասխանատու, ապա նրան որևէ մեկը տուգանելու իրավունք չունի։
Այո, նախարարի հրամանով գործատուն պարտավոր է վարել մատյանը սահմանված ձևով, բայց բովանդակության համար տուգանվել չի կարող։
Դիցուք, եթե դուք վարում եք այդ մատյանը և աշխատողի անվան մոտ չեք նշում տեստի բացասական պատասխանի կամ պատվաստված լինելու մասին, ապա ձեր հանդեպ կազմված վարչական ակտը առոչինչ է։ Այդպիսին է նախարարի հրամանով գործատուների վրա դրված պարտավորությունը։
Վարում եք մատյանը՝ նշանակում է կատարում եք հրամանի պահանջները»։
Կարծիքներ