Քաղաքապետը թող մի պահ պատկերացնի, որ Երևանի քաղաքապետարանը ոչ թե թատրոնի շենքն է, ինքն էլ՝ իր դերում․Ծառուկյան
«Շատ ուշադիր լսել եմ, և ես ինչ որ ասել եմ, կետ առ կետ որևիցե սխալ բան չեմ ասել, և ուզում եմ ես ասել հարգելի քաղաքապետին, որ ինքը մի պահ պատկերացնի, որ Երևանի քաղաքապետարանը ոչ թե թատրոնի շենքն է, ինքն էլ՝ իր դերում, այլ ինքը հիշի քարոզարշավին իր խոստումները երևանցիներին և դա աշխատի կատարել»,-այսօր լրագորղների հետ զրույցում,անդրադառնալով Հայկ Մարությանի երեկվա հարցազրույցին՝ ասաց ԲՀԿ նախագահ Գագիկ Ծառուկյանը։
Ապա նա ցույց տվեց մի փաստաթուղթ, որտեղ 18.04.2019 թ․ Հայկ Մարությանի ստորագրությամբ տրամադրվել է իր կողմից կառուցվող «Կեմպինսկի» հյուրանոցի ԱՊԶ-ն 11 հարկի համար։ Մինչդեռ Հայկ Մարությանը երեկ լրվ այլ բան էր հայտարարում, թե շինթույտվությունը տրվել է Տարոն Մարգարյանի օրոք ընդամենը մեկ հարկի համար, բայց կառուցվել է երեք հարկ ապօրինի։
Ծառուկյանն ասաց, որ սա է իրականությունը, և, իրականում, Հայկ Մարությանը չի տիրապետում տվյալներին, ոչ թե ինքը։
Կարծիքներ