Միջուկային տերությունների միջև բախման վտանգը մեծանում է. Շոյգու

Միջազգային ասպարեզում խոշոր պետությունների միջև աշխարհաքաղաքական մրցակցությունը սրվում է, միջուկային տերությունների միջև ուժային բախման ռիսկերը մեծանում են: Այս մասին ՏԱՍՍ-ին տված հարցազրույցում ասել է ՌԴ Անվտանգության խորհրդի քարտուղար Սերգեյ Շոյգուն։
«Աշխարհում աճող հակամարտությունների և սրված աշխարհաքաղաքական մրցակցության ֆոնին մեծանում են խոշոր պետությունների միջև ուժային բախման ռիսկերը, այդ թվում՝ միջուկային տերությունների մասնակցությամբ», - նշել է Շոյգուն։
Շոյգուի խոսքով` արևմտյան երկրները «գաղափարական և արժեքային ագրեսիա» են սանձազերծել Ռուսաստանի և Բելառուսի դեմ և փորձում են հարվածել ոչ միայն տնտեսական պատժամիջոցներով, այլև երկրներում ապակայունացնել ներքաղաքական իրավիճակը։
«Ներքին իրավիճակն ապակայունացնելու, հասարակական բարքերը խարխլելու և խորթ նեոլիբերալ գաղափարախոսություն պարտադրելու փորձերը շարունակվում են», - նշել է ՌԴ Անվտանգության խորհրդի քարտուղարը։
Միևնույն ժամանակ, Շոյգուն ընդգծել է, որ Արևմուտքի նման պահվածքը բացասաբար է ազդում ոչ միայն Ռուսաստանի և Բելառուսի, այլև միջազգային իրավիճակի վրա:
«Ակտիվորեն արժեզրկվում են միջազգային կառույցները (Առևտրի համաշխարհային կազմակերպություն, Առողջապահության համաշխարհային կազմակերպություն, Քիմիական զենքի արգելման կազմակերպություն և այլն), դրանք գնալով դառնում են քաղաքական գործիքներ, – նշել է նա, - փորձեր են արվում խաթարելու միջազգային ջանքերը՝ կանխելու սպառազինությունների մրցավազքը տիեզերքում և տիեզերական տարածքը զինված դիմակայության նոր տիրույթի վերածելու հարցում»։
Շոյգուն նշել է, որ այդ գործողություններն անմիջականորեն ուղղված են իրենց երկրների թուլացմանը և թելադրված են ինքնիշխանությունից և զարգացման սեփական ուղին ազատորեն ընտրելու և ռազմավարական շահերն իրացնելու իրավունքից զրկելու ձգտմամբ։
Կարծիքներ