Հիմա անձրեւ ա, նյութը չի աշխատի արդյունավետ չի լինի, վաղվանից բոլոր ճանապարհները եւ կանգառները կախտահանենք
Կորոնավիրուսի կանխարգելման նպատակով, ի՞նչ աշխատանքներ են կատարվում Հրազդան քաղաքում, հարցրեցինք՝ քաղաքապետ Սեւակ Միքայելյանին: Քաղաքապետը հավաստիացրեց, որ հանձնարարական է տվել, որ ամենօրյա ռեժիմով ախտահանեն քաղաքային տրանսպորտը, եւ վարորդները պետք է կրեն ձեռնոցներ եւ պաշտպանիչ դիմակներ, իսկ ճանապարհներ ախտահարման հետ կապված քաղաքապետն ասաց. «Հիմա անձրեւ ա, նյութը չի աշխատի արդյունավետ չի լինի, բայց վաղվանից բոլոր ճանապարհները եւ կանգառները կախտահանենք: Կոչով նաեւ ես դիմել եմ տնտեսվարողներին, որ իրենց առեւտրի կենտրոնները պետք էլ ախտահանեն»:
-Պարո՛ն Միքայելյան, երեկ Հրազդանի որոշ դեղատներում դիմակներ չի եղել, լինելու դեպքում էլ 3 հատը՝ կվաճառվի 750 դրամ:
-Վաղը պաշտոնական տեղեկատվություն կտրվի իմ կողմից՝ դիմակների հետ կապված: Զբաղվում եմ դրանով, շուտով 4000 հատ դիմակներ անվճար կբաժանվի հրազդանցիներին:
-Խանութներում երեկ նաեւ պարկով ալյուր չկար:
-Կարող ա ինչ- որ մի խանութում առեւտուրը շատ ա եղել, մի քանի ժամ ալյուր չի եղել, բայց այսօր ես շրջել եմ քաղաքի խանութներում, որեւէ խնդիր չի եղել:
-Որոշ պաշտոնյաններ իրենց աշխատավարձը փոխանցում են բուժաշխատողներին: Ձեր աշխատավարձը կփոխանցե՞ք բուժաշխատողներին:
-Դա ի՞նչ խնդիր, ես իմ մեկ ամսվա աշխատավարձը կփոխանցեմ բուժաշխատողներին: Ասեմ, որ մինչ այս պահի դրությամբ Հրազդանում որեւէ դեպք չի գրանցվել եւ մեկուսացված բնակիչ էլ՝ չունենք:
Կարծիքներ