«Քաղպայմանագրում» ընդդիմությունից վրեժխնդիր լինելու ծրագրեր են մշակում։ ՔՊ-ն առավել քան մարտական է տրամադրված ընդդիմադիրների՝ խորհրդարան վերադառնալու կապակցությամբ: ՔՊ-ում քննարկել են ոչ միայն պաշտոններից զրկելու հարցը, որի մասին օրերս սկսեցին բացեիբաց խոսել, այլեւ որոշել, որ «Հայաստան» եւ «Պատիվ ունեմ» խմբակցությունների պատգամավորներին՝ խորհրդարան վերադառնալուց հետո, օր ու արեւ չեն տալու, պատժելու են փողոց դուրս գալու համար, հեգնելու են պայքարը ձախողելու առիթով: Այս ծրագրի գաղափարախոսը Նիկոլ Փաշինյանն է, օպերացիան, բնականաբար, ղեկավարելու է Վահագն Ալեքսանյանը։
