Վատ տրամադրությունը՝ կորոնավիրուսի «խթանիչ»
Վատ տրամադրությունը կարող է հրահրել կորոնավիրուսային վարակ, այս մասին ռուսական «Ռադիո 1» -ի եթերում զգուշացրել է ինֆեկցիոնիստ Սվետլանա Մալինովսկայան: Նրա խոսքով, մարդու հոգեկան վիճակն ամենաուժեղ ձեւով ազդում է իմունային համակարգի վրա: Վախի, խուճապի եւ դեպրեսիայի դեպքում մարմնի պաշտպանական ֆունկցիան նվազում է: Մասնագետը համոզված է, որ վարակման դեպքերի ներկա մակարդակը մեծապես պայմանավորված է ընկած իմունիտետի հանգամանքով: Կորոնավիրուսի հետեւանքով առաջացած հոգեկան խնդիրները, ըստ մասնագետի, երբեմն այնքան մեծ են, որ հիվանդը կարող է դեմ գնալ հիմնական բնազդներին, օրինակ ՝ ինքնապահպանման բնազդին, երբ հիվանդը փակվում է իր մեջ և բուժումից հրաժարվում: Ինֆեկցիոնիստը նշել է, որ ներկայումս COVID-19- ի ազդեցությունը մարդու կոգնիտիվ ունակությունների վրա դեռ լիովին ուսումնասիրված չէ, սակայն, արդեն հայտնի է, որ այն լուրջ ազդեցություն է ունենում հիվանդի հոգեբանության վրա և ապաքինումից հետո հանգեցնում է տևական դեպրեսիայի:
Կարծիքներ