Ռուսաստանում բանկերը կսկսեն դժվարությունների հանդիպել՝ կորոնավիրուսի պատճառով

Ռուսական «Էքսպերտ ՌԱ» վարկանիշային կազմակերպության վերլուծաբանները հայտարարել են, որ Ռուսաստանում բանկային ոլորտը կսկսի դժվարությունների հանդիպել, կապված կորոնավիրուսի պանդեմիայի եւ նավթի գնանկման հետ։ Այս մասին հայտնում է «ՌԲԿ»-ն։ Մասնագետները կարծում են, որ նախ բանկերի եկամուտները կնվազեն, կարգելակվեն մանրածախ վարկային փաթեթները։ Բացի այդ, տարվա ընթացքում հնարավոր է արագանա սղաճը, ինչպես նաեւ բացասական միտումներ նկատվեն կորպորատիվ փոխառուների , այն է՝ ավիաընկերությունների եւ ավտոդիլերների շրջանում։ Հնարավոր են նաեւ խնդիրների վարկերի դարձելիության հետ կապված։ Խոսքը հատկապես մանրածախ սպառողական վարկերի մասին է, որոնք վերցվում են քիչ ունեւոր քաղաքացիների կողմից։ Սա մասնագետները բնական են համարում, հաշվի առնելով այն, որ երկրում տնտեսական վիճակի վատացում է սպասվում։