Ոստիկանապետի դստեր հարսանիքին Նիկոլ Փաշինյանը ևս մասնակցել է
Մենք գրել էինք, որ ՀՀ ոստիկանապետ Վահե Ղազարյանի դստեր հարսանիքն էր կայանալու շաբաթ օրը, «Փարավոն» ռեստորանային համալիրում: Տեղեկացանք, որ հարսանիքն իրոք շատ բազմամարդ է եղել՝ 500-600-ի չափ մարդ է ներկա եղել: Մասնակցել է նաև Նիկոլ Փաշինյանը` կրտսեր դուստրերի, որդու և եղբոր հետ: Աննա Հակոբյանը չի եղել: Փաշինյանը նստած է եղել իջևանցիների հետ: Բայց հարսանիքը՝ օլիգարխիկ պատկերացումներով, համեստ է եղել՝ բնական ծաղիկներով զարդարում չի եղել, երգիչ-երգչուհիներ չեն եղել: Հյուրերի մեծ մասը եղել են պաշտոնյաներ, պատգամավորներ, որոնք սպասել են, թե երբ է վարչապետը հեռանալու, որ իրենք էլ գնան: Իշխանությունը սկսել է ֆորմալ ավանդույթներ ձևավորել և ստատուսից բխող պարտավորություններ, որոնք կատարվում են անկախ նրանից` ուզում են, թե ոչ: Նման հարսանիքների մասնակցելն այդ ավանդույթների շրջանակներում է:
Կարծիքներ