Աշոտ Մինասյանը կալանավայրում է
Ինչպես արդեն տեղեկացրել ենք, այսօր «Սիսական» ջոկատի հրամանատար Աշոտ Երկաթը՝ Աշոտ Մինասյանը կալանավորվել է: ՀՀ վերաքննիչ քրեական դատարանը բավարարել է դատախազության բողոքը: Մինասյանի պաշտպան Միհրան Պողոսյանը գրառում էր կատարել այն մասին, որ Աշոտ Մինասյանը շուրջ 1,5 ժամ, առանց որոշման, սպասում էր կալանավորվելուն։
Մինասյանի որդին «Հրապարակ»-ի հետ զրույցում ասաց, որ հայրն արդեն կալանավայրում է՝ Երեւան ՔԿՀ-ում, նա նաեւ նշեց, որ դատարանից միանգամից գնացել է ՔԿՀ։
Հիշեցնենք, որ ավելի վաղ Վճռաբեկ դատարանի կողմից դատախազության բողոքը մասնակի բավարարելուց հետո առաջին ատյանի դատարանը քննել էր Աշոտ Մինասյանի նկատմամբ կալանավորումը որպես խափանման միջոց ընտրելու մասին միջնորդությունը և մերժել էր այն:
Աշոտ Մինասյանը մեղադրվում է իշխանության յուրացում եւ պետական գործչի սպանություն նախապատրաստելու, ինչպես նաեւ ապօրինի զենք-զինամթերք ձեռք բերելու, պահելու համար։ Նա առաջադրված մեղադրանքը չի ընդունում։
Կարծիքներ