Մինչև ե՞րբ են ադրբեջանցիները մնալու այդ տարածքում. Ստամբուլյանի հարցին պատասխան չկար (տեսանյութ)
Այսօր կառավարության հետ հարցուպատասխանի ժամանակ ԱԺ «Հայաստան» խմբակցության պատգամավոր Հռիփսիմե Ստամբուլյանը հարց ուղղեց Նիկոլ Փաշինյանին Գորիս-Կապան ճանապարհահատվածում ադրբեջանցիների տեղակայման և ադրբեջանական անցակետ տեղադրելու հետ կապված:
Բայց մինչ հարցը հնչեցնելը նախ Ստամբուլյանը նկատեց, որ քիչ առաջ Նիկոլ Փաշինյանն այս ամբիոնից շատ վտանգավոր հայտարարություն արեց այդ ճանապարհի մասով, որը անվտանգային խնդիրներից ելնելով` չի ցանկանում նորից բարձրաձայնել:
Ապա հնչեցրեց հարցը, թե մինչև ե՞րբ է այս վիճակը շարունակվելու:
«Ադրբեջանցիները դեռ որքա՞ն պետք է շարունակեն մնալ այդ տարածքում: Արդյոք ձեզ չի՞ մտահոգում մեր երկրի տնտեսական անվտանգությունը: Արդյոք դուք տեղյա՞կ եք, որ 40 տոկոս բեռնափոխադրումները` դեպի Հայաստան, իրականանում են այդ ճանապարհով»,-հարցրեց Ստամբուլյանը` հիշեցնելով, որ այսօր լուրջ տարածվեց նաև, որ այսօր այդ ճանապարհով անցնող իրանական բեռնատարների երկու վարորդ ձերբակալվել է ադրբեջանցիների կողմից:
Հարցին Փաշինյանի փոխարեն պատասխանեց փոխվարչապետ Սուրեն Պապիկյանը, որը, սակայն, հստակ չպատասխանեց ամենակարեւոր հարցին, թե մինչև երբ պետք է ադրբեջանցիները մնան այդ տարածքում: Միայն նշեց` բարեբախտաբար, մենք ունենք Հ46 այլընտրանքային ճանապարհը:
Իսկ իրանցիների ձերբակալելության մասով էլ ասաց, թե տեղեկություն չունի, կփորձի պաշտոնական խողովակներով ճշտել:
Մանրամասն՝ տեսանյութում
Կարծիքներ