ՀԱՄԱՍ-ը նոր քաղ.առաջնորդ ունի. ո՞վ է փոխարինել սպանված Հանիեին

Յահյա Սինվարն ընտրվել է ՀԱՄԱՍ-ի քաղբյուրոյի ղեկավար։ Այս մասին հայտարարել է շարժման պաշտոնական ներկայացուցիչը։ Նա ընտրվել է Թեհրանում սպանված Իսմայիլ Հանիեյին փոխարինելու համար։

«Յահյա Սինվարն ընտրվել է ՀԱՄԱՍ-ի քաղբյուրոյի ղեկավար՝ փոխարինելու Թեհրանում սպանված Իսմայիլ Հանիեին»,- ասվում է պաշտոնական հայտարարության մեջ։ Այս մասին հայտնում է ՏԱՍՍ-ը։
Ավելի վաղ Իրանի նախագահ Մասուդ Փեզեշքիանը հայտարարել էր, որ Իսրայելը պատասխան հարված է ստանալու ՀԱՄԱՍ-ի քաղբյուրոյի առաջնորդ Իսմայիլ Հանիեի մահվան համար։ 

Ռուսաստանի նախագահ Վլադիմիր Պուտինը Իրանի գերագույն առաջնորդ այաթոլլա Ալի Խամենեիին խնդրել է խուսափել Իսրայելի վրա նախատեսվող հարձակման շրջանակներում խաղաղ բնակչության շրջանում զոհերից։

Միաժամանակ, ըստ տարբեր աղբյուրների, ՌԴ-ն Իրանի խնդրանքով սկսել է ՀՕՊ համակարգեր մատակարարել Թեհրանին՝ Իսրայելի հետ սպասվող հավանական բախման ֆոնին: