Կորոնավիրուսը մոտ է Հայաստանին. վիրուսի կասկածանքով Թբիլիսի է տեղափոխվել 9 չինացի | «Հրապարակ» 30.01.2020
Հայաստանում Կորոնավիրուսի տարածումը կանխարգելող աշխատանքները համակարգող միջգերատեսչական հանձնաժողով կստեղծվի: Համապատասխան որոշումը ստորագրել է վարչապետ Նիկոլ Փաշինյանը: Այս մասին տեղեկացնում են ՀՀ Կառավարությանաշխատակազմի տեղեկատվության և հասարակայնության հետ կապերի վարչությունից։
Վրաստանի Գուդաուրի հանգստավայրից Թբիլիսի են տեղափոխում հավանաբար կորոնավիրուսով վարակված Չինաստանի քաղաքացիներ, այդ թվում՝ երկու երեխա:
«Չինաստանի քաղաքացիների խմբում 7-ը առողջ են, երեխաները ջերմություն ունեն, նրանք այս պահին հետազոտվում են, չնայած չի հաստատվել, որ կորոնավիրուս է»,- «Ալիք Մեդիայի» հետ զրույցում ասաց Վրաստանի Հիվանդությունների վերահսկման ազգային կենտրոնի գիտական հետազոտությունների բաժնի տնօրեն Պաատա Իմնաձեն:
Հատկանշական է, որ Չինաստանի քաղաքացիներին կտեղավորեն մեկուսացված բաժնում:
Զբոսաշրջիկները հունվարի 21-ին տեղափոխվել են Բաքու, ինչից հետո հունվարի 25-ին հատել են Վրաստանի սահմանը:
Օրվա գլխավոր լուրերը՝ տեսանյութում.
Կարծիքներ